మిసెస్ శ్రీలంక విజేతకు ఘోర అవమానం.. అర్హురాలివి కాదంటూ స్టేజ్‏పైనే అలా ప్రవర్తించిన మాజీ రాణీ..

Mrs. Sri Lanka: మిసెస్ శ్రీలంక పోటీ గ్రాండ్ పైనల్‏లో అనుహ్య పరిణామం జరిగింది. ముందుగా ఓ మహిళను విజేతగా ప్రకటించిన కొన్ని క్షణాల్లో ఆమెకు ఘోర అవమానం జరిగింది. మిసెస్ శ్రీలంక పోటీల్లో విజేతగా నిలిచిన మహిళ ఇందుకు అర్హులు కాదంటూ.. మాజీ మిసెస్ శ్రీలంక ఆమె తలపై ఉన్న కిరీటాన్ని లాగిపడేసింది. ఈ క్రమంలో ఆమె జుట్టు కిరీటానికి పట్టుకున్నా.. అదేం పట్టనట్లుగా తీసి పక్కనే ఉన్న రన్నరప్ తలపై కిరీటాన్ని పెట్టింది. దీంతో తీవ్ర అవమాన భారంతో ఆ మహిళ వేదిక మీది నుంచి వెళ్లిపోయింది. ఈ ఘటనపై తీవ్ర విచారం చేశారు మిసెస్ శ్రీలంక వరల్డ్ నేషనల్ డైరెక్టర్ చండీమాల్ జయసింఘే. ముందుగా విజేతగా ప్రకటించిన మహిళకే ఈ కిరీటం దక్కుతుందని ప్రకటించారు.

వివరాల్లోకెళితే.. ఆదివారం మిసెస్ శ్రీలంక అందాల పోటీల్లో ఫైనల్ వేడుకలు జరిగాయి. ఇందులో శ్రీమతి పుష్పిక డి సిల్వా అనే మహిళ విజేతగా నిలిచారు. ఈ విషయాన్ని ప్రకటిస్తూ.. ఆమె తలపై కిరీటాన్ని అలకరించారు. అనంతరం ఆమె స్టేజ్ పై ర్యాంప్ వాక్ చేసింది. ఇక పక్కనే ఉన్న మాజీ మిసెస్ శ్రీలంక మాట్లాడుతూ.. ఈ కిరీటం కేవలం పెళ్లైనా మహిళలకే వర్తిస్తుందని.. భర్తతో విడాకులు తీసుకున్నవారికి కాదంటూ చెప్పుకోచ్చింది. అనంతరం మిసెస్ శ్రీలంక కిరీటాన్ని ధరించడానికి పుష్పిక డి సిల్వా అర్హురాలు కాదంటూ.. వెంటనే వచ్చి ఆమె తలపై ఉన్న కిరీటాన్ని తీసేసింది. ఆ సమయంలో పుష్పిక జుట్టు కిరీటానికి తగిలిన అదేం పట్టనట్లుగా తీసి పక్కనే ఉన్న రన్న రప్ తలపై కిరీటాన్ని అలకరించింది. దీంతో తీవ్ర అవమానానికి గురైన పుష్పక వేదిక పై నుంచి కిందికి వెళ్లింది.

ఈ విషయంపై పుష్పిక డి సిల్వా సోషల్ మీడియా వేదికాగా స్పందించింది. నేను విడాకులు తీసుకోలేదు. ఒకవేళ నాపై నిందలు వేసిన వారు ఈ విషయాన్ని నిరూపించాలని… విడాకులు పత్రాలు అందరికీ చూపించాలి అంటూ ట్వీట్ చేసింది. అంతేకాకుండా.. తనను అవమానపరిచిన వారిపై చట్టపరమైన చర్యలకు ఉపక్రమిస్తున్నట్లు తెలిపింది. ఒక మహిళ కిరీటాన్ని లాక్కునే మరో మహిళ ఎన్నటికీ నిజమైన రాణి అనిపించుకోదు అంటూ కరోలిన్‎ను ఉద్దేశిస్తూ కామెంట్ చేసింది.

ఇక ఈ వివాదంపై అందాలపోటి నిర్వాహకులు స్పందించారు. ముందుగా ప్రకటించినట్లుగా డి సిల్వానే అసలైన విజేత అని మరోసారి స్పష్టం చేశారు. ఆమెకు కిరీటం తిరిగి ఇచ్చేస్తాం. కరోలిన్ ఎందుకు ఇలా చేశారో అర్థం కావడం లేదు. ఈ ఘటనపై విచారణ జరిపిస్తున్నాం అని తెలిపారు. ఇదిలా ఉంటే.. మరోసారి కిరీటాన్ని అందుకున్న పుష్పిక డి సిల్వా ఈ గౌరవాన్ని ఒంటరి తల్లులకు అంకితం చేస్తున్నట్లు ప్రకటించింది.

వీడియో..

Also Read: వామ్మో.. కోహ్లిని అమాంతం ఎత్తిపడేసిన అనుష్క.. సోషల్ మీడియాలో వీడియో వైరల్..