Domestic Flights: ఈ ఊరిలో ప్రతి ఇంటికో విమానం.. పనులకు, పబ్బులకు ఎక్కడికెళ్లినా విమానంలోనే..
ప్రైవేట్‌ లైఫ్‌కు అలవాటు పడ్డవాళ్లు సొంత ఇళ్లు, సొంత వాహనాలు.. ఇలా అన్నీ తమకంటూ ప్రత్యేకంగా ఉండేలా అమర్చుకుంటారు. సాధారణంగా ఎవరైనా సొంత ఇంటితోపాటు కారూ లేదంటే బైక్‌/స్కూటీ..
Updated on: Feb 12, 2023 | 10:04 AM
ప్రైవేట్‌ లైఫ్‌కు అలవాటు పడ్డవాళ్లు సొంత ఇళ్లు, సొంత వాహనాలు.. ఇలా అన్నీ తమకంటూ ప్రత్యేకంగా ఉండేలా అమర్చుకుంటారు. సాధారణంగా ఎవరైనా సొంత ఇంటితోపాటు కారూ లేదంటే బైక్‌/స్కూటీ.. మరొకొంత ముందుకు వెళ్తే బస్‌ కూడా మెయింటెన్‌ చేస్తుంటారు. ఐతే ఆ గ్రామంలో మాత్రం మరో అడుగు ముందుకేశారు. ఏకంగా ఇంటికో ప్రైవేట్‌ విమానం ఉంటుంది. మర్కెట్‌, సినిమా, రెస్టారెంట్లు, పబ్‌లు, పార్టీలు, పార్కులకు ఇలా ఎక్కడికి వెళ్లాలన్నా విమానంలోనే వెళ్తుంటారు. నమ్మబుద్ధికావడం లేదా? ఐతే మీరు ఈ విషయం తెలుసుకోవల్సిందే..
అమెరికాలోని కాలిఫోర్నియాలో కామెరాన్ ఎయిర్ పార్క్ అనే ప్రాంతం చాలా భిన్నంగా ఉంటుంది. ఇక్కడ మొత్తం 124 గృహాలు ఉంటాయి. ప్రతి ఇంటి ముందు ఉండే గ్యారేజీలో ఓ విమానం దర్శనమిస్తుంది. ఈ ప్రాంత ప్రజలు ఎక్కడికి వెళ్లాలనుకున్నా విమానంలోనే ప్రయాణిస్తుంటారు. ప్రస్తుతం ఈ వింత నగరానికి సంబంధించిన వీడియోలు నెట్టింట వైలర్‌ అవుతున్నాయి. మన దేశంలో రోడ్లు ఏవిధంగా ఉంటాయో.. అక్కడ ఇళ్లముందే విశాలమైన రోడ్లతో రన్‌వేలు ఉంటాయి. మరో విశేషమేమంటే ఈ ప్రాంతంలో నివసించే వారిలో చాలా మంది పైలట్లు ఉండటం గమనార్హం. పైలట్లతో పనిలేకుండా ఎవరి విమానాలను వాళ్లే నడుపుతారు. ఈ విధమైన ఎయిర్ పార్క్‌లు అమెరికాలో దాదాపు 610 ఉన్నట్లు అంచనా. నిజానికి.. రెండవ ప్రపంచ యుద్ధ సమయంలో నిర్మించిన ఎయిర్‌ఫీల్డ్‌లను తొలగించకుండా.. వాటిని నివాస ఎయిర్ పార్కులుగా తీర్చిదిద్దారట. ఈ పార్కుల్లో ప్రస్తుతం రిటైర్డ్ సైనిక పైలట్లు నివసిస్తుంటారు.
మరిన్ని అంతర్జాతీయ వార్తా కథనాల కోసం క్లిక్‌ చేయండి.
