Trending: అదృష్టం ఇంటికొచ్చి మరీ తలుపు తట్టింది.. లాటరీలో రూ.పది వేల కోట్లు తెచ్చిపెట్టింది.. కానీ
అదృష్టం ఎప్పుడు ఎవర్ని ఎలా వరిస్తుందో ఎప్పుడూ ఊహించలేం. కొందరికి అదృష్టం వరించినా అందుకునే అవకాశం ఉండదు. మరికొందరు అదృష్టం తో తమకు ఏమైనా లబ్ధి జరుగుతుందేమోనని ఆశతో ఎదురు చూస్తూ ఉంటారు. తాజాగా అమెరికాకు చెందిన ఓ...
అదృష్టం ఎప్పుడు ఎవర్ని ఎలా వరిస్తుందో ఎప్పుడూ ఊహించలేం. కొందరికి అదృష్టం వరించినా అందుకునే అవకాశం ఉండదు. మరికొందరు అదృష్టం తో తమకు ఏమైనా లబ్ధి జరుగుతుందేమోనని ఆశతో ఎదురు చూస్తూ ఉంటారు. తాజాగా అమెరికాకు చెందిన ఓ వ్యక్తి ఏకంగా లాటరీలో 10,136 కోట్లు గెలుచుకున్నాడు. కానీ అతనెవరనేది తెలియకపోవడం కొసమెరుపు. ఇప్పుడు ఈ విషయం స్థానికంగా తీవ్ర చర్చనీయాంశంగా మారింది. అమెరికాలో మెగా మిలియన్స్ అనే సంస్థ నిర్వహించిన లాటరీలో.. ఓ వ్యక్తి రెండు డాలర్లు పెట్టి ఓ లాటరీ టికెట్ కొన్నాడు. ఆ రెండు డాలర్లు అతన్ని కోటీశ్వరుడ్ని చేశాయి. ఏకంగా 1.28 బిలియన్ డాలర్లు అంటే ఇండియన్‌ కరెన్సీలో రూ.10,136 కోట్లు జాక్‌పాట్ తగిలింది. లాటరీ కొట్టిన ఈ టికెట్ వివరాలను ఆ సంస్థ తాజాగా ప్రకటించింది.
ఇల్లినాయిస్ రాష్ట్రంలోని ఓ పెట్రోల్ బంక్ వద్ద ఈ టికెట్ అమ్ముడైనట్టు మెగా మిలియన్స్ తెలిపింది. అయితే, ఆ వ్యక్తి ఎవరనే విషయం తెలియరాలేదు. ప్రభుత్వ ఆధర్యంలో నిర్వహించే ఈ లాటరీలో 2015 నుంచి జరిగిన 29 డ్రాలలో ఇప్పటి వరకూ ఒక్కరు కూడా జాక్‌పాట్ కొట్టలేదు. తాజాగా ఓ వ్యక్తికి ఆ అదృష్టం పట్టింది. అంతేకాదు, అమెరికాలో గత ఐదేళ్లలో ఇదే అతిపెద్ద జాక్‌పాట్ అంటున్నారు. ఆ దేశ చరిత్రలోనే ఇది మూడో అతిపెద్ద జాక్‌పాట్ అట. చూడాలి మరి.. ఆ వ్యక్తి జాడ ఎప్పటికి తెలుస్తుందో..!
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
