Viral video: బాబోయ్…ఆ ఇంటి వరండాలో షాకింగ్‌ సీన్‌..సంతానోత్పత్తి కోసం వచ్చిన మూడు జతల పైథాన్లు..
పాములను చుస్తే నిద్రలో కూడా ఉలిక్కి పడి లేస్తాము. అదే ఓ భారీ పైథాన్‌ ఎదురుపడితే వెన్నులో వణుకు పుడుతుంది. అలాంటిది ఒకటికాదు రెండు కాదు నాలుగు పైథాన్లు ఒకేసారి కంటపడితే..
Updated on: May 18, 2022 | 3:36 PM
పాములను చుస్తే నిద్రలో కూడా ఉలిక్కి పడి లేస్తాము. అదే ఓ భారీ పైథాన్‌ ఎదురుపడితే వెన్నులో వణుకు పుడుతుంది. అలాంటిది ఒకటికాదు రెండు కాదు నాలుగు పైథాన్లు ఒకేసారి కంటపడితే.. ఇక గుండె ఆగిపోయినంత పనవుతుంది. కానీ, ఆస్ట్రేలియాలోని ఓ ఇంటి వరాండలో ఏకంగా నాలుగు భారీ పైథాన్లు ప్రత్యక్షమయ్యాయి. కేవలం నాలుగు మాత్రమే కాదు, రెండు వారాల వ్యవధిలో ఆరు పైథాన్లు కనిపించాయి. పైగా అవి రెండు జతలుగా వచ్చి వారింటి వరాండలో సంతానోత్పత్తి జరుపుకుంటున్నట్టుగా ఆ ఇంటి యజమాని గుర్తించారు. వాటికి ఏమాత్రం హానీ చేయకుండా, బయటకు పంపించేశాడు. పైగా ఇదంతా వీడియో తీసి సోషల్‌ మీడియాలో పోస్ట్‌ చేయటంతో అది కాస్త వైరల్‌ అవుతోంది.
ఆస్ట్రేలియాలోని బుడెరిమ్‌లో ఓ ఇంటి బాల్కనీలో ముందుగా ఓ భారీ కొండ చిలువల జంట కనిపించింది. దాన్ని చూసిన ఆ ఇంటి యజమాని ఒకింత షాక్‌ అయ్యాడు. బాల్కనీ రెలింగ్‌పై అల్లుకుని కనిపించిన భారీ పైథాన్‌ ఎండలో చలికాచుకుంటున్నట్టుగా పడుకుని కనిపించాయి. అంతలోనే అవి మెల్లిగా అక్కడ్నుంచి వెళ్లిపోయాయి. . ఆ తర్వాత చూస్తే, ఇంటి డైనింగ్‌ టేబుల్‌ వద్ద మరో జంట కనిపించింది. డైనింగ్‌ టేబుల్‌ చైర్‌పై నుండి టేబుల్‌ మీద వరకు ..అతి పొడవైనదిగా ఆ పైథాన్‌ కనిపించింది. అతడు భయపడుతూనే పైథాన్‌ను పట్టేశాడు. దాని పొడవు దాదాపు 11 అడుగులకు మించి ఉన్నట్టుగా తెలిసింది. బుడెరిమ్‌లో గత వారంలో కూడా మరో రెండు పైథాన్లు కనిపించినట్టుగా ఆ ఇంటి యజమాని చెబుతున్నారు. ఇలా రెండు వారాల వ్యవధిలోనే మొత్తం మూడు జతలు,అంటే ఆరు పైథాన్లు కనపించాయట. ఇదంతా వీడియో తీసిన ఆ ఇంటి యజమాని తన ఇన్‌స్టాగ్రామ్‌లో ఖాతాలో షేర్‌ చేశాడు దాంతో వీడియో కాస్త వైరల్‌ అవుతోంది. బాబోయ్ ఒకే ఇంటి ఆవరణలో ఆ కొండచిలువలు కనిపించాయంటే మామూలు విషయం కాదుబాస్‌ అంటూ నెటిజన్లు షాకింగ్‌ కామెంట్స్ పెడుతున్నారు. వీడియో వైరల్‌ కావటంతో స్థానికులు భయాందోళన వ్యక్తం చేస్తున్నారు.
View this post on Instagram
