తాటిచెట్టు పై ఉరేసుకున్న వృద్ధుడు.. మృ**తదేహాన్ని దించుతుండగా..

సూర్యాపేట జిల్లాలో విషాద ఘటన వెలుగుచూసింది. గీత కార్మికుడైన ఓ వృద్దుడు… తనకు ఇన్నాళ్లు జీవనోపాధిని ఇచ్చిన తాటిచెట్టు పైకి ఎక్కి ఉరేసుకొని తనువు చాలించాడు. అతడి మృతదేహాన్ని కిందకి దించుతుండగా ఊహించని విధంగా మరో ప్రమాదం చోటు చేసుకుంది. స్థానికులు తెలిపిన వివరాల ప్రకారం.. ముకుందాపురానికి చెందిన 75 ఏళ్ల దేశగాని వెంకటేశం.. కల్లు గీస్తూ జీవనం సాగిస్తున్నాడు. అతను భార్యకు మతిస్థిమితం సరిగ్గా ఉండటం లేదు. ఆర్థిక సమస్యలు కూడా ఉన్నట్లు కుటుంబ సభ్యులు చెబుతున్నారు. ఆయా కారణాలతో.. శుక్రవారం కల్లు తీసేందుకు గ్రామ శివారుకి వెళ్లిన వృద్ధుడు తాటిచెట్టు ఎక్కి ఉరేసుకున్నాడు. అటుగా వెళ్తున్నవారు.. తాటిచెట్టుకు వెంకటేశం వేలాడుతూ కనిపించడం చూసి, వెంటనే విషయాన్ని గ్రామస్తులకు సమాచారం ఇచ్చారు. పోలీసులకు సమాచారమిచ్చి గ్రామస్తులు అక్కడికి చేరుకున్నారు. సుమారు 50 అడుగుల ఎత్తులో వెంకటేశం చెట్టుకు వేలాడుతూ ఉండగా.. గ్రామానికి చెందిన ఇద్దరు యువకులు పోలీసుల సమక్షంలోనే అతడిని కిందకు దించే ప్రయత్నం చేశారు. అయితే మృతదేహాన్ని కిందకు దించే సమయంలో అనుకోని ప్రమాదం జరిగి.. ఓ యువకుడికి తీవ్ర గాయాలయ్యాయి. వెంకటేశం మృతదేహం కిందకు దించే యత్నంలో భాగంగా ఓ యువకుడు పూర్తిగా చెట్టు ఎక్కాడు. మరో యువకుడు నాగార్జున తాడు సాయంతో చెట్టు మధ్య వరకు చేరుకున్నాడు. డెడ్‌బాడీని తాడు సాయంతో కిందకు దించుతుండగా.. అనూహ్యంగా తాడు తెగిపోయింది. దీంతో మృతదేహం చెట్టు మధ్యలో ఉన్న నాగార్జునపైకి బలంగా దూసుకొచ్చింది. దీంతో మృతదేహంతో పాటు వెంకటేశం కింద పడిపోయాడు. ఘటనలో అతడికి తీవ్ర గాయాలయ్యాయి. అతడిని వెంటనే కోదాడలోని ఓ ప్రైవేటు ఆసుపత్రికి తరలించి చికిత్స అందిస్తున్నారు. నాగార్జున పరిస్థితి నిలకడగా ఉన్నట్లు డాక్టర్లు తెలిపారు.

మరిన్ని  వైరల్ వీడియోల కోసం ఇక్కడ క్లిక్ చేయండి

Also Watch:

స్కూల్‌కి వెళ్లే మూడ్ లేక బాలుడు ఏం చేశాడో తెలిస్తే

ఒక్కసారిగా కుంగిపోయిన ఇంట్లోని భూమి.. 20 అడుగుల లోతులో పడ్డ మహిళ..

ఈసారి ఖైరతాబాద్‌ గణేషుడి ఎత్తు ఎంతో తెలుసా ??

అండర్‌ గ్రౌండ్‌లో గ్రహాంతరవాసి ఆలయం.. నెట్టింట వైరల్‌ అవుతున్న వీడియో

Nayanthara: వయనాడ్ బాధితులకు న‌య‌న‌తార, విఘ్నేశ్ దంపతుల విరాళం