నీ ధైర్యానికి హ్యాట్సాఫ్‌ బాస్..చిరుత‌కే చుక్కలు చూపించాడుగా!

 ఇక చిరుత పులి క‌నిపించ‌డంతో గ్రామ‌స్థులు అట‌వీశాఖ అధికారులకు స‌మాచారం ఇచ్చారు. గ్రామ‌స్థుల స‌మాచారంతో అక్కడికి వ‌చ్చిన అధికారులు చిరుతపులిని పట్టుకునేందుకు బోనును ఏర్పాటు చేశారు. కానీ, బోను పెట్టి బంధించేందుకు ప్రయ‌త్నించగా చిరుత త‌ప్పించుకోవాల‌ని చూసింది. ఆ స‌మ‌యంలో గ్రామానికి చెందిన‌ ఆనంద్ అనే వ్యక్తి చిరుతపులి తోకను పట్టుకుని, అది పారిపోకుండా నిలువరించాడు. అనంతరం అధికారులు వల సాయంతో దాన్ని పట్టి బంధించారు. అనంతరం దాన్ని బోనులో వేసి అక్కడ్నించి తరలించారు. త‌న‌ సాహసోపేతమైన చర్యతో చిరుత‌ను ప‌ట్టుకోవ‌డానికి స‌హ‌క‌రించిన అతడిని గ్రామ‌స్థులు, అధికారులు అభినందించారు. ఈ ఘ‌ట‌న తాలూకు వీడియో బ‌య‌ట‌కు రావ‌డంతో నెట్టింట వైర‌ల్ అవుతోంది. యువ‌కుడి ధైర్యాన్ని నెటిజ‌న్లు మెచ్చుకుంటున్నారు.