పెరగనున్న వేగం.. మారనున్న రూపం.. భవిష్యత్‌ విమానాలు ఇవే..

మనం ఎప్పుడూ చూసే విమానాల రూపం మారనుందా? వేగం మరింత పెరగనుందా..? అంటే అవుననే అనిపిస్తోంది. కొన్ని దశాబ్దాలుగా మనం చూస్తున్న లోహవిహంగాల ఆకృతి, వేగం త్వరలో మారనుంది. బార్సిలోనాకు చెందిన డిజైనర్‌ ఆస్కార్‌ వినల్స్‌.. స్కై ఓవీ పేరుతో ఓ వినూత్న విమాన డిజైన్‌ను రూపొందించారు. దాని ఊహా చిత్రాలను తన ఇన్‌స్టాగ్రామ్‌లో పోస్టు చేశారు. భవిష్యత్‌తరం వాణిజ్య విమానాలు ప్రస్తుతం ఉన్న వాటి కంటే పూర్తిగా భిన్నంగా ఉండబోతున్నాయి అని ఆయన పేర్కొన్నారు. ఆస్కార్‌ వినల్స్‌ తెలిపిన వివరాల ప్రకారం.. ఈ విమానాన్ని బ్లేడ్‌లెస్‌ టర్బోజెట్‌ ఇంజిన్లతో రూపొందిస్తున్నారు. అందులో 300 మంది సౌకర్యవంతంగా ప్రయాణించవచ్చు. సరకులను తీసుకెళ్లవచ్చు. అందులో విలాసవంతమైన సాధనాలు ఉంటాయి. గంటకు 1,850 కిలోమీటర్ల వేగంతో అవలీలగా ప్రయాణిస్తుంది. అతి తక్కువ హైడ్రోజన్‌ ఇంధనాన్ని వినియోగించుకొని సుదీర్ఘ దూరాలను చేరుకుంటుంది. కర్బన ఉద్గారాలను వెలువరించదు. ఈ విమానాలను ఎయిర్‌పోర్టులో నిలిపి ఉంచాక దాని రెక్కలను మూసుకుపోయేలా చేయొచ్చు. ఫలితంగా విమానాశ్రయంలో స్థలాన్ని ఆదా చేసుకోవచ్చు.

మరిన్ని వైరల్ వీడియోల కోసం ఇక్కడ క్లిక్ చేయండి

Also Watch:

రిసెప్షన్‌లో లావణ్య చీర చాలా స్పెషల్‌.. ధర ఎంతో తెలుసా ??