రెండో రోజుకు న్యూస్9 గ్లోబల్ సమ్మిట్.. వికసిత్‌ భారత్‌ను ప్రపంచానికి తెలియజేయనున్న ప్రధాని మోదీ

టీవీ నైన్‌ నెట్‌వర్క్‌.. న్యూస్‌- 9 గ్లోబల్‌ సమ్మిట్‌ జర్మనీలోని స్టుట్‌గార్ట్‌ వేదికగా జరుగుతోంది. A రోడ్‌ మ్యాప్‌ ఫర్‌ సస్టెయినబుల్‌ గ్రోత్‌ అనే ముఖ్య థీమ్‌తో ఈ సమ్మిట్‌ నిర్వహిస్తోంది టీవీ9 గ్రూప్‌. రెండో రోజు సదస్సులో భాగంగా ఇవాళ ప్రధాని నరేంద్ర మోదీ కీలక సందేశాన్ని అందిస్తారు. అంతర్జాతీయ సమున్నత యవనికపై భారతదేశం అనే అంశంపై రాత్రి 9 గంటలకు ప్రధాని మోదీ కీలక ఉపన్యాసం చేయనున్నారు. అంతర్జాతీయ వృద్ధికి ఆకృతి ఇవ్వడంలో భారత్ పాత్రను ప్రధాని మోదీ ప్రముఖంగా ప్రస్తావించనున్నారు. భారత్‌-జర్మనీ మధ్య సహకారం మరింత పెంపొందించేందుకు మోదీ ప్రసంగం దిశానిర్దేశం చేయనుంది. ఈ అంతర్జాతీయ వేదికగా వికసిత్‌ భారత్‌ను ప్రపంచానికి తెలియజెప్పనున్నారు ప్రధాని మోదీ.