‘ఒక్కడు’, ’96’ మూవీల్లో సేమ్‌ సీన్లు.. వీడియో పోస్ట్ చేసిన త్రిష

Trisha twitter post: సాధారణంగా కొన్ని సినిమాలను చూస్తున్నప్పుడు అందులోని కొన్ని సన్నివేశాలు ఎక్కడో చూసినట్లుగా అనిపిస్తుంటాయి. అలా తాను నటించిన రెండు సినిమాల్లో అలానే అనిపించే సీన్లను త్రిష ఓ వీడియోలో పోస్ట్ చేశారు.త్రిష.. విజయ్‌ సరసన గిల్లి(మహేష్‌ బాబు ఒక్కడు రీమేక్‌), విజయ్ సేతుపతి సరసన 96లో నటించిన విషయం తెలిసిందే. ఈ రెండు సినిమాల్లో క్లైమాక్స్‌లో త్రిషను ఎయిర్‌పోర్టులో దింపి, హీరోలు తిరిగి రావడం, ఫ్లైట్‌లో త్రిష హీరోలను తలుచుకోవడం, హీరోలు కూడా ఆమెను తలచుకునే సందర్భాలు ఉంటాయి. ఆ వీడియోను షేర్ చేసిన త్రిష 2 ఇన్ 1 అని కామెంట్ పెట్టారు.

కాగా ఈ రెండు సినిమాల నేపథ్యం వేరు. గిల్లి మాస్ ఎంటర్‌టైనర్‌గా తెరకెక్కగా.. 96 ట్రాజెడీ లవ్‌ స్టోరీగా తెరకెక్కింది. కానీ ఈ రెండింటిలో క్లైమాక్స్‌లో ఒకేలాంటి సన్నివేశాలు ఉండటం విశేషం. ఇక ఆ వీడియోకు నెటిజన్లు విభిన్నంగా స్పందింస్తున్నారు. మీతో నటించిన ఆ ఇద్దరు ఇప్పుడు మాస్టర్‌లో కొట్టుకుంటున్నారు, ఆ రెండు సినిమాలు అద్భుతమైనవి అంటూ కామెంట్లు పెడుతున్నారు. కాగా ప్రస్తుతం త్రిష.. మణిరత్నం దర్శకత్వంలో తెరకెక్కుతోన్న పొన్నయిన్ సెల్వమ్‌లో నటిస్తున్నారు. ఇక వ్యక్తిగత జీవితంలో తమిళనటుడు శింబును త్రిష వివాహం చేసుకోబోతున్నట్లు వార్తలు వస్తున్నాయి.

Read More:

‘కేజీఎఫ్ 2’.. సంజయ్ పాత్ర కోసం ‘ప్లాన్‌ బి’

Breaking: అన్నపూర్ణ స్టూడియోలో అగ్ని ప్రమాదం

2 in 1 ?? pic.twitter.com/wagfglHhPZ

— Trish (@trishtrashers) October 15, 2020