Elephants: ఏయే రాష్ట్రాలకు ఏనుగు రాష్ట్ర జంతువుగా ఉంది? పూర్తి వివరాలు ఇదిగో
Knowledge: భారతదేశంలో ఎన్నో రకాల వన్యప్రాణులు ఉన్నాయి. వాటిలో ఏనుగులకు ప్రత్యేక స్థానం ఉంది. అడవుల పర్యావరణ సమతుల్యతను కాపాడటంలో ఇవి కీలక పాత్ర పోషిస్తాయి. మన దేశ జాతీయ జంతువు పులి అయినప్పటికీ.. వారసత్వం జంతువుగా ఏనుగులకు కూడా ప్రత్యేక గుర్తింపు ఉంది. అయితే మన దేశంలో ఏనుగును రాష్ట్ర జంతువుగా గుర్తించిన రాష్ట్రాలు ఎన్ని? ఆ రాష్ట్రాలు ఏవో మీకు తెలుసా?
Updated on: Oct 19, 2026 | 5:03 PM
Interesting Facts: మన జాతీయ జంతువు పులి అయినప్పటికీ.. భారత దేశంలో ఏనుగులకు ప్రత్యేక స్థానం ఉంది. అందుకే దేశంలో మూడు రాష్ట్రాలు ఏనుగును రాష్ట్ర జంతువుగా గుర్తించాయి. ఆ మూడు రాష్ట్రాలు: జార్ఖండ్, కర్ణాటక, కేరళ. ఈ రాష్ట్రాలు ఏనుగును తమ రాష్ట్ర జంతువుగా గుర్తించాయి. ఈ మూడు రాష్ట్రాల్లోనూ ఆసియా ఏనుగులు కనిపిస్తాయి.
జార్ఖండ్: ఈ రాష్ట్రంలో విస్తారమైన అటవీ ప్రాంతాలు ఉన్నాయి. ఇవి ఏనుగులకు ముఖ్యమైన ఆవాసాలుగా ఉన్నాయి. ఇక్కడ ఏనుగుల సంరక్షణ, వాటి సహజ నివాసాలను కాపాడటం వన్యప్రాణుల పరిరక్షణలో కీలక అంశాలు.
కర్ణాటక: దక్షిణ భారతదేశంలో ఏనుగులకు ముఖ్యమైన ఆవాసాల్లో కర్ణాటక ఒకటి. ఈ రాష్ట్రంలోని అడవులు, వన్యప్రాణి సంరక్షణ ప్రాంతాలు ఏనుగుల మనుగడకు తోడ్పడుతున్నాయి. అందుకే భారతీయ ఏనుగుకు కర్ణాటక రాష్ట్ర జంతువు హోదా ఉంది.
కేరళ: ఈ రాష్ట్రంలో ఏనుగులకు ప్రకృతి, సంస్కృతిపరంగా ప్రత్యేక గుర్తింపు ఉంది. అడవులతో పాటు రాష్ట్రంలోని అనేక సంప్రదాయ వేడుకల్లోనూ ఏనుగులు భాగమవుతాయి. కేరళ అటవీ శాఖ కూడా భారతీయ ఏనుగును రాష్ట్ర జంతువుగా గుర్తించింది.
అసోంలో ఏనుగే రాష్ట్ర జంతువా?
ఈశాన్య రాష్ట్రం అసోంలో కూడా ఏనుగులు విస్తారంగా కనిపిస్తాయి. అయితే, అక్కడి రాష్ట్ర జంతువు ఏనుగు కాదు. ఒంటి కొమ్ము ఖడ్గమృగం అసోం రాష్ట్ర జంతువు. సాధారణ జీకే ప్రశ్నల్లో ఈ విషయం తరచుగా ప్రస్తావనకు వస్తుంది.
దేశంలోనూ ఏనుగుకు ప్రత్యేక గుర్తింపు
ఏనుగుకు రాష్ట్ర జంతువు హోదాతో పాటు జాతీయ స్థాయిలోనూ ప్రత్యేక గుర్తింపు ఉంది. 2010లో భారత ప్రభుత్వం ఏనుగును జాతీయ వారసత్వ జంతువుగా ప్రకటించింది. ఈ గుర్తింపు ఏనుగుల సంరక్షణ, వాటి ఆవాసాల పరిరక్షణ ప్రాముఖ్యతను తెలియజేస్తుంది. (అయితే, ఏనుగు భారతదేశ జాతీయ జంతువు కాదు. మన దేశ జాతీయ జంతువు పులి)
ఏనుగుల సంరక్షణ ఎందుకు ముఖ్యం?
ఏనుగులు అడవుల్లో విత్తనాల వ్యాప్తికి సహాయపడతాయి. ఇవి సంచరించే మార్గాలు ఇతర వన్యప్రాణులకు కూడా ఉపయోగపడతాయి. ఆహారం, నీరు, సంచారం కోసం పెద్ద విస్తీర్ణం అవసరమయ్యే ఈ జంతువుల మనుగడకు అడవులు, ఏనుగు కారిడార్ల పరిరక్షణ ఎంతో ముఖ్యం.
Also Read: Indian Railways: దేశంలో తొలి రైలు విశేషాలు..! 34 కి.మీ ఎన్ని గంటల్లో చేరిందంటే?
