కోటు విప్పి.. కండువా కట్టి.. మన పల్లెలో ఆవు పేడ ఎత్తిన జర్మనీ రాయబారి!

న్యూఢిల్లీలోని జర్మన్ ఎంబసీలో మినిస్టర్ కౌన్సిలర్, రాజకీయ వ్యవహారాల విభాగాధిపతిగా ఉన్న మారియస్ ఓస్వాల్డ్ ఇటీవల భారతీయ పల్లెటూరి మట్టిలో కలిసిపోయి అందరి మనసులను గెలుచుకున్నారు. సాధారణంగా విదేశీ దౌత్యవేత్తలంటే కోటు, సూటు, లగ్జరీ ఆఫీసులు గుర్తుకొస్తాయి. అయితే, మారియస్ ఈ ప్రోటోకాల్స్‌ను పక్కనబెట్టి, ఉత్తర భారతదేశంలోని ఒక గ్రామంలో సామాన్య రైతు జీవితాన్ని అనుభవించారు. స్థానిక రైతు ప్రమోద్ శర్మ ఇచ్చిన సవాలును మారియస్ స్వీకరించారు. “మా భారతీయులు మీ జర్మనీలో విజయాలు సాధిస్తున్నారు, మీరు మా పల్లెలో రైతులా బతకగలరా?” అనే మాట మారియస్‌ను కదిలించింది. వెంటనే తన బ్లేజర్‌ను తీసి, రైతు సూచన మేరకు సాంప్రదాయ కండువాను భుజాన వేసుకున్నారు. పశువుల పాకలోకి వెళ్లి గడ్డి కత్తిరించే యంత్రాన్ని తిప్పారు, స్వయంగా ఆవులకు మేత వేశారు. అయితే, అసలు పరీక్ష ఆవు పేడను శుభ్రం చేసే సమయంలో ఎదురైంది. ప్రమోద్ శర్మ “ఇది మురికి కాదు, మా కుటుంబంలో భాగం” అని చెప్పడంతో, మారియస్ ఏమాత్రం సంకోచించకుండా ఒట్టి చేతులతో ఆవు పేడను ఎత్తారు. ఈ దృశ్యం భారతీయ వ్యవసాయ మూలాల పట్ల ఆయన చూపిన అపారమైన గౌరవాన్ని తెలియజేస్తుంది. నిజమైన దౌత్యం అంటే ప్రజల సంస్కృతిని, శ్రమను గౌరవించడమేనని మారియస్ నిరూపించారు.

మరిన్ని వీడియోల కోసం ఇక్కడ క్లిక్ చేయండి

Also Watch:

భర్త చనిపోయిన 10 రోజులకే.. భార్య కూడా! 70 ఏళ్ల పవిత్రబంధం ఇలా ముగిసింది

ఉదయం పెళ్లి.. సాయంత్రం డైవర్స్‌..

మార్నింగ్ వాక్‌లో దొరికిన బ్యాగ్.. తెరిచి చూస్తే కళ్లు జిగేల్‌!

నవంబర్ 1 నుంచి కొత్త రూల్.. ఇక మీకు ‘అన్ నోన్’ నంబర్ల నుంచి కాల్స్ ..!

OPPO F35 5Gలో ఇన్ని ఫీచర్లా? అదిరిపోయే బ్యాటరీతో దుమ్మురేపుతోంది!