Viral Video: శభాష్‌ బేబీ.. వెరీ ఇంటలిజెంట్‌ అంటే నువ్వే!… యూట్యూబ్‌ వీడియోతో తనను తాను రక్షించుకున్న పాప

ఇటీవల, తెలంగాణలో ఒక ఆశ్చర్యకరమైన, గుండెను హత్తుకునే సంఘటన జరిగింది. ఆ వీడియో ఇప్పుడు సోషల్ మీడియా ద్వారా మొత్తం దేశం దృష్టిని ఆకర్షిస్తోంది. పెద్దపల్లి జిల్లాలోని సుల్తానాబాద్‌లో ఒక చిన్న అమ్మాయి కారులో ఉన్నప్పుడు డోర్లు లాక్‌ పడ్డాయి. కారులో ఒక్కతే అమ్మాయి చిక్కుబడిపోయింది. తరువాత ఏమి జరిగిందో చూసి అక్కడ ఉన్న ప్రతి ఒక్కరూ ఆశ్చర్యపోయారు. ఎందుకంటే, మరుసటి క్షణంలోనే ఆ అమ్మాయి తన తెలివితేటలను ఉపయోగించి లాక్ చేయబడిన కారు నుండి సురక్షితంగా బయటపడింది. ఆమె ఈ ఘనతను మరెవరి సహాయంతో కాదు, యూట్యూబ్ వీడియో చూసి చేసింది.

మీడియ నివేదికల ప్రకారం ఆ అమ్మాయి కుటుంబం పెళ్లి నుండి తిరిగి వస్తుండగా హైవేలోని ఒక స్వీట్ షాపులో ఆగినప్పుడు ఈ సంఘటన జరిగింది. ఆ కుటుంబం అమ్మాయిని కారులోనే వదిలేసి, పొరపాటున కీలు కూడా కారులోనే వదిలేసి వెళ్లిపోయారు. వెంటనే ఆ అమ్మాయి లోపల ఉండగానే డోర్లు లాక్ అయ్యాయి. సమయం గడిచేకొద్దీ కారు లోపల వేడి పెరిగి అమ్మాయి పరిస్థితి మరింత దిగజారింది. ఇది చూసి, బయట నిలబడి ఉన్న అమ్మాయి కుటుంబం, అక్కడ ఉన్న ఇతర వ్యక్తులు చాలా భయపడ్డారు. ప్రజలు ఆ అమ్మాయిని బయటకు తీసురావడానికి దాదాపు అరగంట పాటు ప్రయత్నించారు, కానీ విఫలమయ్యారు.

అప్పుడు ఒక యువకుడు వచ్చి తన ఫోన్‌లో లాక్ చేయబడిన కారును ఎలా తెరవాలో చూపించే యూట్యూబ్ వీడియోను ఓపెన్‌ చేశాడు. దీని తర్వాత, ఆ యువకుడు ఫోన్‌ను కిటికీపై ఉంచి, అందులో ఇచ్చిన సూచనలను పాటించమని అమ్మాయిని అడిగాడు. మీరు నమ్మరు, ఆ అమ్మాయి అన్ని సూచనలను బాగా అర్థం చేసుకుని లాక్ తెరిచింది. ఆ అమ్మాయి యూట్యూబ్ ట్యుటోరియల్ చూసి తనను తాను రక్షించుకుంది.

వీడియో చూడండి:

Man uses DIY Video to rescue girl who was locked in a car.

The incident occurred in Peddapalli district of Telangana. pic.twitter.com/FZ5Rw0MK52

— Mohammed Baleegh (@MohammedBaleeg2) August 18, 2025

ఈ వీడియో ఇప్పుడు సోషల్ మీడియాలోని వివిధ ప్లాట్‌ఫామ్‌లలో విస్తృతంగా షేర్ అవుతోంది. నెటిజన్స్‌ ఆ అమ్మాయి ధైర్యాన్ని, ఆమె తెలివితేటలను ప్రశంసిస్తున్నారు.

View this post on Instagram

A post shared by INDIANS (@indians)