కుక్కను పెళ్లాడిన భామ.. ముద్దు.. ముచ్చట కూడా తనతోనే..!

అమ్మాయిలు, అబ్బాయిలు పెళ్లిళ్లు చేసుకోవడం పురాతన కాలం నుంచి వస్తున్న సంప్రదాయం. ఇటీవల కాలంలో యువత ఓ అడుగు ముందుకేసి అమ్మాయిలు అమ్మాయిలతో.. అబ్బాయిలు అబ్బాయిలతో కూడా వివాహం చేసుకుంటున్నారు. కానీ ఇంగ్లండ్‌కు చెందిన ఓ మహిళ భిన్నమైన దారి ఎంచుకుంది. ఆమెకు మనుషులు ఎవరూ నచ్చలేదేమో.. ఏకంగా తన పెంపుడు కుక్కను పెళ్లి చేసుకుంది. వినడానికి ఆశ్చర్యంగా ఉన్న నిజమే!

బ్రిటన్‌కు చెందిన మాజీ స్విమ్‌సూట్ మోడల్ ఎలిజబెత్ హోడ్ తన పెంపుడు కుక్కను పెళ్లి చేసుకుంది. లాగాన్ అనే ఈ శునకానికి వెడ్డింగ్ చైన్ తొడిగింది. తాను లాగాన్‌కు తోడుగా ఉంటాను.. ప్రతి రోజూ వాకింగ్‌కు తీసుకుపోతాను.. నా అల్మారాలో ఉన్నవన్నీ ఇస్తాను. అన్ని ముచ్చట్లు తనతోనేనంటూ ప్రమాణాలు కూడా చేసింది ఎలిజబెత్ హోడ్. ఈ తతంగం అంతా ఓ టీవీ ఛానెల్ లైవ్ సాక్షిగా సాగింది. మరి ఈ కుక్కతో.. సారీ తన భర్తతో ఎన్ని రోజులు సంసారం చేస్తుందో.. చూడాలి.