ఆమె గాత్రంలో ఏదో మ్యాజిక్.. వీడియో వైరల్..

ప్రతిభకు అందం, వయసుతో సంబంధం లేదని ఓ మహిళ నిరూపించింది. ప్రముఖ సింగర్ లతా మంగేష్కర్ పాడిన ఏక్ ప్యార్ కీ నగ్మా పాటను అద్భుతంగా పాడి వినిపించింది. బర్పెటా టౌన్ ద ప్లేస్ అనే ఫేస్ బుక్ పేజ్ ఈమె టాలెంట్‌ని ప్రపంచానికి పరిచయం చేసింది. పశ్చిమబెంగాల్ రణఘాట్ రైల్వే స్టేషన్‌లో ఉన్న ఆమె ఏక్ ప్యార్ కీ నగ్మా పాటను పాడి వీడియోను జూలై 28న పోస్టు చేశారు. ఈ వీడియోను చూసిన నెటిజెన్లు ఫిదా అయిపోయారు. అచ్చం లతా మంగేష్కర్‌లా పాడుతోందని ప్రశంసించారు. ఇప్పటివరకూ ఈ వీడియో 2 మిలియన్ వ్యూస్ సాధించింది. 35 వేల మందికి పైగా ఆమె వీడియోను షేర్ చేశారు. ఈ వీడియో హిట్ కావడంతో కొద్ది రోజుల్లోనే ఈ మహిళ చాలా ఫేమస్ అయిపోయింది.