Viral: లక్ అంటే వీడిదే.. ఒక్క లాటరీతో సుడి తిరిగింది.. వారానికి రూ.82 వేలు.. జీవితాంతం.!

ఒక్క లాటరీతో అతడి సుడి తిరిగింది. దెబ్బకు లైఫ్ సెట్ అయిపోయింది. ఆ వ్యక్తి చాలా రోజుల నుంచి లాటరీ టికెట్లు కొనుగోలు చేస్తున్నాడు. తాజాగా అతడికి ఓ వినూత్న లాటరీ తగిలింది. దీంతో అతడికి వారానికి రూ. 82 వారాల చొప్పున జీవితాంతం డబ్బులు పొందనున్నాడు. ఇంతకీ అసలేం జరిగిందంటే..

వివరాల్లోకి వెళ్తే.. అమెరికాలోని ఓరేగాన్ రాష్ట్రానికి చెందిన రాబిన్ రైడెల్ అనే ట్రక్ డ్రైవర్ 14 ఏళ్లుగా లాటరీ టికెట్లు కొనుగోలు చేస్తూ వచ్చాడు. సరిగ్గా ఒకటిన్నర దశాబ్దం తర్వాత అతడి సుడి తిరిగింది. ‘విన్ ఫర్ లైఫ్’ అనే లాటరీ తగిలింది. ఇందులో గెలిచిన అతడికి వారం.. వారం.. పాటు జీవితాంతం డబ్బులు వస్తాయి. సదరు లాటరీ కంపెనీ రాబిన్‌కు ప్రతీ వారం వెయ్యి డాలర్ల(భారత కరెన్సీలో రూ. 82 వేలు) చొప్పున.. జీవితాంతం డబ్బులు ఇస్తూనే ఉంటారు.

ఇంతటి బంపర్ ఆఫర్ తగిలినందుకు రాబిన్ తెగ సంబరపడుతుండగా.. వచ్చే రెండు లేదా మూడేళ్ల తన డ్రైవింగ్‌కు గుడ్ బై చెప్తానని పేర్కొన్నాడు. లాటరీ రూపంలో ప్రతీ వారం వచ్చే డబ్బుతో సొంతిల్లు కట్టుకోవడమే కాకుండా.. భవిష్యత్తు కోసం కొంత వెనకేసుకుంటానని రాబిన్ తెలిపాడు. ఇక అతడి అదృష్టం చుట్టుప్రక్కల వారందరికీ తెలియడంతో.. ఈ వార్త కాస్తా స్థానికంగా వైరల్ అవుతోంది.