Road Accident: వేగంగా దూసుకొచ్చిన కారు.. క్షణాల వ్యవధిలో ప్రాణాలు కాపాడిన అధికారి.. వీడియో వైరల్..
చాలా మందికి తమ జీవితంలో వెంట్రుకవాసిలో ప్రాణాపాయం తప్పిపోయిన ప్రమాదాలు ఉంటాయి. అందులో కొన్ని ప్రమాదాల్లో పక్కవారు మిమ్మల్ని కాపాడి ఉంటారు...
Updated on: Oct 08, 2021 | 6:44 PM
చాలా మందికి తమ జీవితంలో వెంట్రుకవాసిలో ప్రాణాపాయం తప్పిపోయిన ప్రమాదాలు ఉంటాయి. అందులో కొన్ని ప్రమాదాల్లో పక్కవారు మిమ్మల్ని కాపాడి ఉంటారు. ఇలానే ఓ పోలీసు అధికారి సహోద్యోగినిని ప్రమాదం నుంచి కాపాడారు. అతను కాపాడిన వీడియో ఇప్పుడు సోషల్ మీడియాలో వైరల్గా మారింది.
యూఎస్ఏలో జరిగిన కారు ప్రమాదం నుంచి పోలీసు అధికారి తన సహోద్యోగిని కాపాడారు. ఈ ఘటనకు సంబంధించిన వీడియోను వర్జీనియాలోని గేట్ సిటీ పోలీసు విభాగం సోషల్ మీడియాలో పోస్ట్ చేసింది. పోలీసు కారు దగ్గర ఇద్దరు పోలీసులతోపాటు ఇద్దరు వ్యక్తులు నిలబడి మాట్లాడుకుంటుండగా ఓ కారు వాళ్లపైకి వేగంగా దూసుకొచ్చింది. మగ పోలీసు అధికారి వెంటనే స్పందించి తన మహిళా సహోద్యోగికి కాపాడినట్లు వీడియోలో ఉంది. ఆమె పేరు జెస్సికా మెక్గ్రా కాగా అతని పేరు మాథ్యూ స్టీవర్ట్గా తెలిపారు. ఈ ఘటన యూఎస్ హైవే 23లో జరిగింది. ఈ కారు ప్రమాదంపై దర్యాప్తు చేస్తున్నట్లు పోలీసులు తెలిపారు.
ఘటన జరిగిన తర్వాత మాథ్యూ స్టీవర్ట్ కారు డ్రైవర్ను తనిఖీ చేశాడు. జెస్సికా మెక్గ్రా అగ్నిమాపక, రెస్క్యూ యూనిట్లకు ఫోన్ చేసింది. కారు డ్రైవర్ నియంత్రణ కోల్పోయి పోలీసు కారును ఢీకొట్టినట్లు అక్కడి పత్రికలు రాశాయి.
