నేటికీ సైన్స్ నమ్మని నిజం.. 27 సార్లు గర్భం దాల్చి, 69 మంది పిల్లలకు జన్మనిచ్చిన మహిళ.. గిన్నిస్ రికార్డు సృష్టి

ప్రస్తుతం ఒక్క బిడ్డనే కని పెంచడం చాలా కష్టంగా ఉంది. పిల్లవాడిని పెంచడం, అవసరాలు తీర్చడం, వారి  కోరికలు తీర్చడంతోనే సరిపోతుంది. అయితే ఇక్కడ ఓ మహిళ 69 మంది పిల్లలకు జన్మనిచ్చి గిన్నిస్ రికార్డులో ఎక్కింది. ఆమె 27 సార్లు గర్భం దాల్చింది. 16 కవలలు,  7 సార్లు ముగ్గురు పిల్లలతో సహా మొత్తం 69 మంది పిల్లలకు జన్మనిచ్చింది. అంతేకాదు నాలుగు సార్లు నలుగురు పిల్లలు పుట్టారు.

ఇది కథ కాదు. ఓ మహిళ 69 మంది పిల్లలకు జన్మనిచ్చి గిన్నిస్ బుక్ ఆఫ్ వరల్డ్ రికార్డ్స్‌లో ఎక్కింది. రష్యాలోని షుయా ప్రాంతంలో నివాసం ఉంటున్న ఆమె పేరు వాలెంటినా వాసెలీనా. వైద్య శాస్త్రం ప్రకారం, ఇప్పటివరకు ఎవరూ 16 మంది కంటే ఎక్కువ మంది పిల్లలకు జన్మనివ్వలేదు. కనుక ఒక స్త్రీ ఇద్దరు, ముగ్గురు కాదు ఏకంగా 69 మంది పిల్లలకు జన్మనిస్తుందని ఎవరైనా ఊహిస్తారా..

ఫ్యోడర్ వాసిలీవ్ భార్య వాలెంటినా వాసెలీనా 1725 నుంచి 1765 మధ్య 27 సార్లు గర్భవతి అయింది. ఒకే మహిళ గర్భం నుంచి మొత్తం 69 మంది పిల్లలు పుట్టారు. ఫ్యోడర్ వాసిలీవ్ మరొక స్త్రీని వివాహం చేసుకున్నాడు. ఆమె 8 సార్లు గర్భం దాల్చి 18 మంది పిల్లలకు జన్మనిచ్చింది. వీరిలో 6 సార్లు కవలలు జన్మించారు. ఈ విధంగా వాసిలీవ్ ఇద్దరు భార్యలు మొత్తం 87 మంది పిల్లలు జన్మనిచ్చారు. వారిలో 84 మంది ప్రాణాలతో బయటపడ్డారు. మిగిలిన 7 మంది పిల్లలు పుట్టిన కొన్ని రోజుల్లోనే మరణించారు.

ఇవి కూడా చదవండి

అత్తగారితో అల్లుడి ఎఫైర్.. రెడ్ హ్యాండ్‌గా పట్టుబడడంతో పెళ్లి

దాన్ని పెళ్ళిగా పరిగణించలేం.. సుప్రీం కోర్టు సంచలన తీర్పు

నేడు అయోధ్యలో పర్యటించనున్న రాష్ట్రపతి.. భద్రతా ఏర్పాట్లు పూర్తి

ప్రపంచంలో లక్కి పర్సన్.. 30 ఏళ్ళ పాటు నెలా కోటి రూపాయల బహుమతి

అయితే మొదటి భార్య పేరు వాలెంటినా వాసిలీవ్. ఆమె 76 సంవత్సరాలు జీవించింది. రెండవ భార్య పేరు మాత్రం రికార్డ్స్ లో దొరకలేదు.

అయితే ఒక స్త్రీ 60 కంటే ఎక్కువ పిల్లలకు జన్మనివ్వగలదా? అంటే శాస్త్రవేత్తలు ఇప్పటికీ దీనిని నమ్మరు. జాన్స్ హాప్కిన్స్ విశ్వవిద్యాలయంలో పునరుత్పత్తి డైరెక్టర్ జేమ్స్ సెగర్స్ ప్రకారం ఇది సాధ్యం కాదని అంటారు. ఒక స్త్రీ 40 సంవత్సరాల్లో 27 సార్లు ఎలా గర్భవతి కాగలదో ఆలోచించండి అని అంటారు.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..