అనారోగ్యంతో తల్లి మృతి.. గుట్టుచప్పుడు కాకుండా 14ఏళ్ల కొడుకు చేసిన పనితో ఊరంతా షాక్..!

తన తల్లి చనిపోయిన విషయాన్ని ఎవరితోనూ చెప్పకుండా.. ఆమె మృతదేహంతో నాలుగు రోజుల పాటు ఇంట్లోనే ఉన్నాడు 14 ఏళ్ల కొడుకు. ఈ ఘటన మహారాష్ట్రలోని థానే జిల్లాలో చోటు చేసుకుంది. భరించలేని దుర్వాసన వస్తుండటంతో చుట్టుపక్కల నివసించేవారు తలుపులు బద్దలుకొట్టి లోపలికి వెళ్లగా అసలు విషయం బయటపడింది. అనంతరం పోలీసులకు సమాచారాన్ని అందించారు.

వివరాల్లోకెళ్తే.. 44 ఏళ్ల సిల్వియా డేనియల్ అనే మహిళ తన 14 ఏళ్ల కొడుకు ఒల్విన్ డేనియల్‌తో కలిసి థానేలోని ఓ ఫ్లాట్‌లో నివాసముంటున్నారు. గత కొన్ని నెలలుగా సిల్వియా అరుదైన వ్యాధితో బాధపడుతూ.. కొద్దిరోజుల క్రితమే కన్నుమూసింది. ఇక తన తల్లి చనిపోయిందన్న వార్త.. చుట్టుపక్కల వారికి తెలియకూడదన్న ఉద్దేశంతో 14 ఏళ్ల కొడుకు ఆమె మృతదేహంతో నాలుగు రోజుల పాటు ఇంట్లోనే ఉన్నాడు. దుర్వాసన వస్తుండటంతో మిగతా ఫ్లాట్స్‌లో నివాసముంటున్నవారు తలుపులు బద్దలకొట్టి చూడగా.. సిల్వియా మృతదేహం కుళ్లిపోయిన స్థితిలో దర్శనమిచ్చింది. దీంతో షాక్ తిన్న అందరూ.. వెంటనే పోలీసులకు సమాచారాన్ని అందించారు. ఇక ఘటనాస్థలికి చేరుకున్న పోలీసులు.. మృతదేహాన్ని స్వాధీనం చేసుకుని స్థానిక గవర్నమెంట్ ఆసుపత్రికి తరలించారు. అనారోగ్యం కారణంగా తన తల్లి చనిపోయిందని మృతురాలు కుమారుడు ఒల్విన్ డేనియల్ పోలీసులకు తెలిపాడు. కుమారుడి వాంగ్మూలం ఆధారంగా పోలీసులు మహిళ మృతిపై కేసు నమోదు చేసి దర్యాప్తు చేపట్టారు.

మరిన్ని వైరల్ వార్తల కోసం ఇక్కడ క్లిక్ చేయండి