Viral News: ఐయామ్ సారీ మా..! అంటూ.. ఆరేళ్ల చిన్నారి రాసిన లేఖ వైరల్.. మనసును హత్తుకునే మాటలతో..
ట్విటర్‌లో షేర్ చేసిన ఈ పోస్ట్‌కి చాలా మంది లైక్‌లు, రెస్పాన్స్‌లు ఇచ్చారు. చాలా మంది తల్లిదండ్రులు తమ పిల్లల నుండి తమకు లభించిన ప్రేమపూర్వక బహుమతులు,లేఖలు గురించి ఈ పోస్ట్‌పై వ్యాఖ్యానించారు.
Updated on: Feb 21, 2023 | 1:24 PM
భూమిపై అత్యంత అందమైన సంబంధం తల్లి, బిడ్డల బంధం. వారి మధ్య సంబంధానికి ప్రత్యేక ఆకర్షణ, అందం ఉన్నాయి. ఈ విషయాలను ధృవీకరించే అనేక వీడియో దృశ్యాలు, సంఘటనలు మన కళ్ల ముందు అనేకం జరుగుతున్నాయి. ఆరేళ్ల బాలిక తన తల్లిపై తనకున్న గాఢమైన ప్రేమను తెలియజేస్తూ రాసిన లేఖ ఒకటి ఇప్పుడు సోషల్ మీడియాలో వైరల్ అవుతోంది. ఆ లెటర్‌ చదివిన తర్వాత మీ రోజు మారిపోతుంది. మీరు పట్టరాని సంతోషంతో నిండిపోతారు. ఈ నోట్‌లో ఒకే లైన్ ఉంది. అది కూడా లెటర్‌ చదివిన ప్రతి ఒక్కరిని కట్టిపడేసెలా రాసింది ఆ చిన్నారి. అమ్మాకు సారీ చెబుతూ చిన్నారి రాసిన మాటలు నెట్టింట హల్‌చల్‌ చేస్తున్నాయి. ప్రియమైన అమ్మ.. సారీమా.. ఈ రోజు నీవు చాలా కష్టపడుతున్నావు…! అంటూ రాసింది.
ఈ ఒక్క లైన్‌లో ఆమెకు తన తల్లి పట్ల ప్రేమ, శ్రద్ధ ఎంత ఉందో అర్థం అవుతుంది. తన తల్లి కష్టాలను, బాధలను అర్థం చేసుకుని తల్లికి అండగా నిలుస్తానని కూడా ఆ చిన్నారి మాటలకు అర్థం. ఆరేళ్ల కూతురు తనను అర్థం చేసుకుంటుందన్న ఆనందాన్ని తల్లి కూడా దాచుకోలేకపోయింది. తన ప్రాణం ఉన్నంత వరకు మీ కోసమే నేనంటూ ఆ తల్లి బదులిచ్చింది. ప్రస్తుతం ఆరేళ్ల చిన్నారి రాసిన లేఖ సోషల్ మీడియా వినియోగదారుల మనసును హత్తుకునేలా చేసింది.
Just found this note from 6 and I will be keeping it until I die. pic.twitter.com/6qm0Fa2NOu
— Shematologist, MD (@acweyand) February 7, 2023
ట్విటర్‌లో షేర్ చేసిన ఈ పోస్ట్‌కి చాలా మంది లైక్‌లు, రెస్పాన్స్‌లు ఇచ్చారు. చాలా మంది తల్లిదండ్రులు తమ పిల్లల నుండి తమకు లభించిన ప్రేమపూర్వక బహుమతులు,లేఖలు గురించి ఈ పోస్ట్‌పై వ్యాఖ్యానించారు. మరెందుకు ఆలస్యం మీరు కూడా మీ తీయటి జ్ఞాపకాలు, బహుమతులను పంచుకోండి.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
