హోమ్ కుక్ కావాలా? ఆన్‌లైన్‌లో కొత్త స్కామ్ కలకలం.. అడ్వాన్స్ ఇస్తే అంతే సంగతులు!

ఇంటి పని, వంట మనుషుల కోసం ఆన్‌లైన్‌లో వెతుకుతున్నారా? అయితే, ఈ కొత్త సైబర్ స్కామ్ గురించి తప్పక తెలుసుకోవాలి. వంట మనుషులను ఏర్పాటు చేస్తామంటూ ఆన్‌లైన్‌లో తప్పుడు ప్రకటనలు ఇచ్చి, అమాయకులను ముంచే కొత్త రకం మోసం వెలుగులోకి వచ్చింది. రైలు ప్రయాణంలో వీడియో కాల్ ద్వారా స్కామర్‌ను గుర్తుపట్టి అరెస్టు చేయించిన ఘటన ఆధారంగా ఈ వ్యవహారం వైరల్‌గా మారింది. ఆన్‌లైన్ సర్వీసులను ఉపయోగించేటప్పుడు అపరిచిత వ్యక్తులకు డబ్బులు పంపవద్దని నిపుణులు హెచ్చరిస్తున్నారు. అసలు స్కామ్ ఎలా జరుగుతుంది?

సోషల్ మీడియా, వెబ్‌సైట్లు, క్లాసిఫైడ్ ప్లాట్‌ఫామ్‌లలో తక్కువ ధరకే నమ్మకమైన హోమ్ కుక్స్ లభిస్తారు అని ప్రకటనలు ఇస్తారు. వీటిని చూసి సంప్రదించిన బాధితులతో సైబర్ క్రిమినల్స్ చాలా ఆప్యాయంగా మాట్లాడుతారు. నెలకు ఇంత జీతం అని కుదుర్చుకున్నాక, బుకింగ్ ఛార్జ్ లేదా మొదటి నెల అడ్వాన్స్ చెల్లించాలని కోరతారు. అందుకోసం ఒక క్యూఆర్‌ కోడ్ లేదా పేమెంట్ లింక్ పంపుతారు. ఆ లింక్ క్లిక్ చేయగానే లేదా క్యూఆర్‌ కోడ్ స్కాన్ చేయగానే బాధితుల బ్యాంక్ ఖాతాల నుంచి నగదు మాయమవుతుంది.

ఇవి కూడా చదవండి

వీళ్లదో వింత ఆచారం.. పశువు రక్తం పాలలో కలిపి తాగితే పౌరుషం కోసం.!

కడుపులో మంట, ఎసిడిటీ ఇబ్బంది పెడుతున్నాయా? ఆయుర్వేద చిట్కాలు!

ఎండిపోయిన మీ పాత నేల్ పాలిష్‌ను ఇలా మళ్లీ కొత్తదానిలా మార్చుకోండి

ఆరోగ్య ప్రదాయిని నోని.. సర్వరోగాలను నయం చేసే అమృతం!

ట్రైన్ వీడియో కాల్‌తో బయటపడ్డ ముఠా:

తాజాగా ఒక బాధితుడు ఈ స్కామ్‌ను ఎంతో చాకచక్యంగా బయటపెట్టాడు. తనకు జరిగిన మోసంపై అనుమానం వచ్చి, స్కామర్‌ను రైలు ప్రయాణంలో ఉన్నప్పుడు వీడియో కాల్ ద్వారా మాట్లాడాడు. ఆ వీడియో కాల్ ఆధారంగా నేరగాడు ఎక్కడ ఉన్నాడో గుర్తించి, పోలీసులకు సమాచారం అందించి అరెస్ట్ చేయించాడు. ఈ వీడియో సోషల్ మీడియాలో విపరీతంగా వైరల్ కావడంతో ఈ ఆన్‌లైన్ స్కామ్ వ్యవహారం వెలుగులోకి వచ్చింది.

New scam attempt. My father has a dosa shop. He arranged for a cook from Bihar and sent money for a train ticket. The cook called supposedly from the train and said he was bringing a gas cylinder with him for cooking and got caught by a police officer who is demanding 18000 rupees otherwise he will face 3 years imprisonment. He came on video call and showed a police officer and him with the gas cylinder and crowd around him. My father fell for it and asked me to send the money. Luckily I convinced my father that it is a scam.

— Anand Murugan (@wordsandforms) October 13, 2026

జాగ్రత్తలు, నివారణ మార్గాలు:

ఆన్‌లైన్‌లో చూసిన వ్యక్తులకు, సర్వీస్ ఏజెన్సీలకు ముందుగానే డబ్బులు పంపకండి. వంట మనుషులను లేదా పనివారిని నియమించుకునే ముందు వారి ఆధార్ కార్డ్, చిరునామా ప్రత్యక్షంగా సరిచూసుకోవడం శ్రేయస్కరం. డబ్బులు అందుకోవడానికి క్యూఆర్‌ కోడ్ స్కాన్ చేయాల్సిన అవసరం ఉండదని గుర్తుంచుకోండి. ఒకవేళ సైబర్ మోసానికి గురైతే వెంటనే 1930 సైబర్ క్రైమ్ హెల్ప్‌లైన్ నంబర్‌కు ఫిర్యాదు చేయండి. మనం నిత్యం ఉపయోగించే సేవల పేరుతోనే మోసగాళ్లు వల వేస్తున్నారు. కాబట్టి, ఆన్‌లైన్ లావాదేవీల విషయంలో అత్యంత జాగ్రత్తగా ఉండటం అవసరం.

మరిన్ని ట్రెండింగ్ న్యూస్ కోసం క్లిక్ చేయండి..