రైలు రద్దయినా, ఆలస్యమైనా.. పూర్తి డబ్బులు రిఫండ్.. రైల్వే నిబంధనలు ఇవే!

రైలు ప్రయాణాల్లో హఠాత్తుగా రైలు రద్దు కావడం, గంటల తరబడి ఆలస్యం కావడం లేదా మన ప్లాన్ మారి, టికెట్ రద్దు చేసుకోవాల్సి రావడం తరచూ జరుగుతుంటుంది. ఇలాంటి సమయాల్లో రైల్వే నిబంధనలపై అవగాహన ఉంటే మన డబ్బులు నష్టపోకుండా చూసుకోవచ్చు. ఒకవేళ భారతీయ రైల్వేనే రైలును పూర్తిగా రద్దు చేస్తే టికెట్ ఛార్జీ మొత్తం రీఫండ్ అవుతుంది. ఐఆర్‌సీటీసీ ద్వారా బుక్‌ చేసిన ఈ-టికెట్లకు ప్రత్యేకంగా క్యాన్సిల్‌ చేయాల్సిన అవసరం ఉండదు. టికెట్‌ బుక్‌ చేసిన చెల్లింపు ఖాతాలోకే రిఫండ్‌ డబ్బులు తిరిగొస్తాయి. కౌంటర్ టికెట్ అయితే రైలు బయలుదేరాల్సిన సమయం నుంచి 72 గంటల్లోపు కౌంటర్‌లో అసలు టికెట్ సమర్పించి డబ్బులు తీసుకోవాలి. మీరు ఎక్కాల్సిన బోర్డింగ్ స్టేషన్‌కు రైలు 3 గంటలు లేదా అంతకంటే ఎక్కువ ఆలస్యంగా వస్తే ప్రయాణం విరమించుకుని పూర్తి రిఫండ్ పొందవచ్చు. ఈ-టికెట్ వినియోగదారులు నిర్దేశిత గడువులోగా TDR ఫైల్ చేయాల్సి ఉంటుంది. కన్ఫర్మ్ అయిన తత్కాల్ టికెట్‌ను ప్రయాణికులు సొంతంగా రద్దు చేసుకుంటే రిఫండ్ ఉండదు. కానీ, రైలు రద్దయినా లేదా 3 గంటలకు పైగా ఆలస్యమైనా పూర్తి డబ్బులు తిరిగొస్తాయి. రైలు బయలుదేరడానికి 30 నిమిషాల ముందు వరకు రద్దు చేసుకుంటే క్లర్కేజ్ ఛార్జీలు మినహాయించి మిగిలిన మొత్తం ఇస్తారు. రైలు బయలుదేరడానికి 48 గంటల ముందే రద్దు చేస్తే తక్కువ కోత ఉంటుంది. సమయం దగ్గరపడే కొద్దీ ఛార్జీల కోత పెరుగుతుంది. చార్ట్‌ ప్రింట్ అయ్యాక కన్ఫర్మ్ టికెట్‌కు రిఫండ్ రాదు. రిఫండ్‌ ఆలస్యమైనా, దరఖాస్తులో సమస్య వచ్చినా ఐఆర్‌సీటీసీ ఈ-క్వెరీ పోర్టల్‌ ద్వారా ఫిర్యాదు చేయవచ్చు. రైల్వే సేవలకు సంబంధించిన సమస్యలను రైల్‌మదద్‌ వేదికలోనూ నమోదు చేయవచ్చు. టికెట్‌ రకం, రద్దు సమయం, ప్రయాణ పరిస్థితిని బట్టి నిబంధనలు మారవచ్చు. అందువల్ల రిఫండ్‌ కోరే ముందు అధికారిక రైల్వే మార్గదర్శకాలను పరిశీలించడం మంచిది.

మరిన్ని వీడియోల కోసం ఇక్కడ క్లిక్ చేయండి

Also Watch:

Bigg Boss Telugu 10: ప్రేమే ఆమెకు శాపంగా.. డేంజర్‌ జోన్‌లో లవ్ బర్డ్‌…!

దేశం వదిలిపోవాలంటూ.. బాలీవుడ్ హీరోకు నోటీసులు

The Raja Saab: రాజాసాబే కాదు.. ఈయన చెప్పిన రీజనూ ఫెయిలే

Salman Khan: మళ్లీ అదే చెత్త ప్రశ్న.. కరణ్ దెబ్బకు షాకైన సల్మాన్

నెట్‌ఫ్లిక్స్‌లో లీస్ట్ ఎలిజిబుల్ బ్యాచిలర్ హవా.. దెబ్బకు కపిల్ శర్మ షో వెనక్కి!