Watch: వారెవ్వా వానరం అప్డేట్ అయిందే..! అచ్చం మనిషిలా హోటల్కెళ్లి టిఫిన్ తింటోంది.. వీడియో వైరల్
మనిషిలా కూర్చొని ఒక కొండముచ్చు హోటల్లో టిఫిన్ తింటున్న వీడియో సోషల్ మీడియాలో వైరల్ అవుతోంది. ఆకలితో ఉన్న కొండముచ్చు బెంగళూరులోని ఒక హోటల్లోకి వచ్చింది. దయగల ఆ హోటల్ సిబ్బంది ఆ కొండముచ్చును అక్కడ్నుంచి వెళ్లగొట్టలేదు. పైగా వారు దానికి ప్రేమగా ఆహారం అందించారు. అది కృతజ్ఞతగా టేబుల్పై కూర్చొని లాగించేసింది. ఇందుకు సంబంధించిన వీడియో ప్రస్తుతం నెట్టింట వైరల్ అవుతోంది.
Updated on: Jul 22, 2025 | 9:09 PM
ఒక వ్యక్తి బుద్ధిగా డైనింగ్ టేబుల్పై కూర్చుని భోజనం చేయడంలో విచిత్రం ఏమీ ఉండదు. కానీ, మనలాగే, ఏదైనా మూగజీవి చేసిందంటే.. అది నిజంగా ఆశ్చర్యపోవాల్సిన విషయమే. అది కూడా ఒక కోతి చేసిందంటే.. చూసేందుకు నిజంగా విచిత్రంగా, షాకింగ్గా ఉంటుంది. ఎందుకంటే..వానర చేష్టలు మనందరికీ తెలిసిందే. కోతి చేష్టలతో మనుషుల్ని తీవ్ర ఇబ్బందులకు గురిచేస్తుంటాయి. కానీ, కర్ణాటకలోని ఒక హోటల్లో ఆకలితో ఉన్న ఒక కొండముచ్చు ఏం చేసిందో చూపించే వీడియో ఇప్పుడు నెట్టింట వైరల్గా మారి చక్కర్లు కొడుతోంది.
వైరల్ వీడియోలోని ఈ దృశ్యాన్ని పెట్ అడాప్షన్ బెంగళూరు వారి ఎక్స్లో పోస్ట్ చేశారు.ఈ దృశ్యాన్ని వివరిస్తూ.. దయగల హోటల్ సిబ్బంది లోపలికి వచ్చిన కొండముచ్చు అక్కడ్నుంచి వెళ్లగొట్టలేదని రాశారు. బదులుగా వారు దానికి ప్రేమగా ఆహారం అందించారు. హోటల్లో అచ్చం మనిషిలానే కూర్చుని ఆ కొండముచ్చు హాయిగా లాంగిచేసింది. తింటున్నంత సేపు ఎటువంటి గొడవ, అల్లరి చేయకుండా బుద్ధిగా టిఫిన్ భుజించింది. ఇదంతా చూస్తున్న హోటల్ సిబ్బంది సంతోషంగా ఉన్నారు. కస్టమర్లు సైతం ఆనందంగా నవ్వుతూ చూస్తుండిపోయారు.
వీడియో ఇక్కడ చూడండి..
Cutest guest of the day 🐒💕
A hungry little monkey visited a hotel in Karnataka… and guess what? The kind-hearted staff didn’t shoo him away instead, they lovingly offered him food 🍌🍽️
This adorable munchkin sat just like a guest, calmly and sweetly enjoying his meal. No… pic.twitter.com/Rn0NfTNwNM
— Pet Adoption Bangalore (@PetsinBangalore) July 20, 2025
వీడియో వైరల్గా మారడంతో దేవుడు దుకాణదారుడిని ఆశీర్వదించాడు అని ఓ నెటిజన్ కామెంట్ చేశాడు. ఈ అందమైన క్షణం లాగే, మనమందరం మరింత కరుణ, సౌమ్యత, వినయంగా ఉండటం నేర్చుకుందాం అంటూ చాలా మంది కామెంట్లు చేశారు.
మరిన్ని ట్రెండింగ్ న్యూస్ కోసం క్లిక్ చేయండి..
