Viral Video: ఓర్నీ తెలివి తెల్లారా!.. ఏకంగా కారు పొగ గొట్టంతో కబాబ్ వండాడు.. చివరికి ఏమైందంటే.!

ఈ మధ్యకాలంలో సోషల్ మీడియా విస్తృతి విపరీతంగా పెరిగిపోవడంతో.. ప్రపంచ నలుమూలల జరిగే వింతలు, విశేషాలు క్షణాల్లో మన కళ్ల ముందుంటున్నాయి. ఇక ప్రపంచంలో చిత్ర విచిత్రమైన స్టంట్స్ చేసేవాళ్లకు కొదవలేదు. వారి చేసే కొన్ని స్టంట్స్ ప్రేక్షకులను విపరీతంగా ఆకట్టుకుంటే.. మరికొన్ని ఫెయిల్ అయి లైఫ్‌‌‌ను రిస్క్‌లో పెట్టేసేలా ఉంటాయి. అలాంటి ఓ స్టంట్ గురించి ఇప్పుడు మాట్లాడుకుందాం.

ఓ వ్యక్తి లంబోర్గినీ కారు ఎగ్జాస్ట్ నుంచి వచ్చే మంటలతో కబాబ్‌ను గ్రిల్ చేయాలని చూస్తాడు. కానీ ఆ స్టంట్ కాస్తా ఫెయిల్ అయి కారులోని ఒక్కసారిగా పొగలు బయటికి వచ్చాయి. ఈ సంఘటన చైనాలో చోటు చేసుకోగా.. దానికి సంబంధించిన వీడియో ప్రస్తుతం సోషల్ మీడియాలో వైరల్ అయింది.

చైనా హునాన్ ప్రావిన్స్‌లోని ఓ కారు గ్యారేజీలో ఉంది. అందులో పని చేసే కొంతమంది కుర్రాళ్లు లంబోర్గినీ ఎగ్జాస్ట్ మంటలతో కబాబ్ వండితే.. ఎలా ఉంటుందో తెలుసుకోవడానికి ఓ తుంటరి స్టంట్‌కు తెరలేపారు. ఓ వ్యక్తి లంబోర్గినీ కారు ఎగ్జాస్ట్ దగ్గర చేతిలో స్క్యూవర్‌తో దానికి మాంసం ముక్కను గుచ్చి రెడీగా ఉన్నట్లు మీరు వీడియోలో చూడవచ్చు. ఇక మరో వ్యక్తి కారు ఎక్కి.. V12 ఇంజిన్‌ను ఫుల్ రైజ్ చేశాడు. అతడు రైజ్ చేసిన దెబ్బకు ఎగ్జాస్ట్ నుంచి ఏకంగా మంటలు బయటకు వచ్చాయి. దాని నుంచి కబాబ్‌ను గ్రిల్ చేయాలని ప్రయత్నించాడు. అయితే ఇంతలోనే కారులో నుంచి ఒక్కసారిగా పెద్ద ఎత్తున పొగలు వచ్చేయడంతో పాటు ఎరుపు రంగులోని కూలంట్ ద్రవం ఒక్కసారిగా లీకైంది. దీనితో అందరూ షాక్ అయ్యారు.

మంటల వల్ల కారులోని ప్లాస్టిక్ కూలంట్ ట్యాంక్ బద్దలై లిక్విడ్ లీకైందని ఆటోమొబైల్ ఎక్స్‌పర్ట్స్ చెబుతున్నారు. ఇక దీనికి సంబంధించిన వీడియోను చూసిన నెటిజన్లు తిట్లతో హోరెత్తిస్తున్నారు. కోట్లు విలువ చేసే కారుతో ఈ పనికిమాలిన పనులేంటని కామెంట్స్ రూపంలో తిట్టిపోస్తున్నారు.

Also Read:

ఖడ్గమృగంపై దాడికి పులి యత్నం.. అంతలోనే ఊహించని ట్విస్ట్.. బెంగాల్ టైగర్ పరుగో పరుగు.!

అక్కడి పండ్లు తిన్నారో బీమారీ గ్యారంటీ.! కొనాలంటేనే భయపడుతున్న ప్రజలు.!!

ఒకే కాన్పులో 10 మందికి జన్మనిచ్చిన మహిళ.? అసలు నిజమెంత.! వెలుగులోకి కొత్త ట్విస్ట్..