Viral: రెస్టారెంట్‌ టేబుల్ కింద వింత గుర్తు.. పరిశీలించి చూడగా.. వెలుగులోకి మైండ్ బ్లోయింగ్ నిజం!

ఓ వ్యక్తి ఎంచక్కా భోజనం చేసేందుకు స్థానికంగా ఉండే రెస్టారెంట్‌కు వెళ్లాడు. చక్కగా ఓ చెట్టు కింద కూర్చుని.. ఆర్డర్ కోసం వెయిట్ చేస్తున్నాడు. ఇంతలో అక్కడ టేబుల్ కింద ఓ వింత గుర్తును చూశాడు.. సీన్ కట్ చేస్తే..

వివరాల్లోకి వెళ్తే.. నైరుతి చైనా ప్రావిన్స్‌ అయిన సిచువాన్‌లోని ఓ రెస్టారెంట్ టేబుల్ కింద 100 మిలియన్ సంవత్సరాల నాటి డైనోసర్ పాదముద్రలను ఔ హాంగ్‌టో అనే వ్యక్తి కనుగొన్నాడు. ఆ సమాచారాన్ని పరిశోధకులకు అందించడంతో.. డాక్టర్ లిడా జింగ్ నేతృత్వంలోని నిపుణుల బృందం అక్కడి చేరుకుంది.

పాదముద్రలు రెండు జాతుల సౌరోపాడ్‌లకు చెందినవని.. మరీ ముఖ్యంగా ఇవి బ్రోంటోసారస్‌ల గుర్తులను పరిశోధకులు తేల్చారు. వీటిని భూమిపై నివసించిన అతిపెద్ద జంతువులుగా పరిగణిస్తారు. ఈ డైనోసర్లు 8 మీటర్ల పొడవు ఉండగా.. 145 నుండి 66 మిలియన్ సంవత్సరాల క్రితం ఇవి జీవించి ఉన్నాయని పేర్కొన్నారు.

నగరాల్లోని నిర్మాణ పనులు ఇలాంటి అరుదైన శిలాజాలను అధ్యయనం చేసేందుకు కష్టతరం చేశాయని పరిశోధకులు చెప్పారు. ఈ పాదముద్రలు చాలా లోతుగా, స్పష్టంగా ఉన్నాయి. వాటి చుట్టూ ఓ కంచెను ఏర్పాటు చేశాం. అక్కడ రెస్టారెంట్ ఏర్పాటు చేయకముందు.. ఆ స్థలంలో ఓ కోళ్ల ఫారమ్ ఉండేది. ఆ సమయంలో ఆ ప్రదేశంలో ఉన్న ధూళి, ఇసుక పొరలు పాదముద్రలను నాశనం చేయకుండా నిరోధించాయని నిపుణులు భావిస్తున్నారు.

If you need an excuse to head out to brunch this weekend, consider the possibility that your meal may cause you to expand scientific discovery and research.

A diner discovered 100 million-year-old dinosaur footprint in a restauranthttps://t.co/4hyFOBHvtN pic.twitter.com/CCvEsaK8ag

— MU-Peter Shimon ? (@MU_Peter) July 23, 2022