Viral: తన కంటే పెద్ద సైజ్ పామును అమాంతం మింగేసిన తాచుపాము.. షాకింగ్

Trending: పాము కప్పల్ని.. కోడి పిల్లల్ని.. ఇంకా చిన్న.. చిన్న పక్షుల్ని, పిట్టల్ని మింగడం మీరు చూసే ఉంటారు. కానీ పామును, మరో సర్పం మింగడం చాలా రేర్. తాజాగా ఇలాంటి షాకింగ్ సీన్ చత్తిస్‌ఘడ్‌లోని అంబికాపూర్‌(ambikapur)లో వెలుగుచూసింది. కాగా స్నేక్ క్యాచర్ ఆ భారీ తాచుపామును పట్టుకునే ప్రయత్నంలో మింగిన పామును బయటకి కక్కేసింది.  ఒక జాతికి చెందిన జీవి, అదే జాతి జీవిని తినడాన్ని కానిబాలిజం అని పిలుస్తారు. వివరాల్లోకి వెళ్తే..  నగరానికి ఆనుకుని ఉన్న అజిర్మా గ్రామంలోని మద్యం దుకాణం సమీపంలోని బెంగాలీ కుటుంబానికి చెందిన ఇంటి ఆవరణలో భారీ తాచుపాము కనిపించింది. దీంతో స్థానికులు స్నేక్‌మ్యాన్ సత్యం ద్వివేదికి సమాచారం అందించారు. అతడు వెంటనే  అక్కడికి చేరుకుని పాముని పట్టుకునేందుకు యత్నించాడు. సత్యం దాన్ని పట్టుకునేందుకు ప్రయత్నించే క్రమంలో మరో పామును మింగినట్లు అర్థమైంది. రెస్క్యూ చేస్తున్న సమయంలో, ఆ పాము మింగిన పామును కక్కేసింది. ఈ దృశ్యం చూసి స్నేక్ క్యాచర్‌తో పాటు స్థానికులు ఆశ్చర్యానికి గురయ్యారు. కాగా చనిపోయిన పాము కూడా దాదాపు 6 అడగులు ఉండటం గమనార్హం. పామును కక్కేసిన అనంతరం ఆ భారీ తాచుని బంధించి  సురక్షిత ప్రదేశంలో వదిలేశాడు స్నేక్ క్యాచర్ సత్యం. ఒకపాము మరో భారీ పామును మింగడం తాను మొదటిసారి చూసినట్లు చెప్పాడు.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..