ఈ ఊరి నిండా మతిమరుపు బాధితులే..! డబ్బు లేకుండానే జీవిస్తున్నారు.. ఇక్కడన్నీ ఫ్రీ..!!
ఈ గ్రామంలో అవసరమైన ఏ వస్తువుకు డబ్బు చెల్లించాల్సిన అవసరం లేదు.. కాబట్టి ఎవరూ తమ పర్స్ తీసుకెళ్లాలని గుర్తుంచుకోవాల్సిన అవసరం కూడా లేదు. అలాగే ఇక్కడి ప్రజల్ని ఉచిత దుకాణాలు రెస్టారెంట్లు, గ్రామస్తులు థియేటర్‌ను సందర్శించి ఇతర కార్యక్రమాలలో పాల్గొనేలా ప్రోత్సహిస్తారు. వారికి ప్రభుత్వమే డబ్బులు చెల్లిస్తుంది.
Updated on: Dec 24, 2023 | 10:04 PM
ప్రపంచంలోని అనేక గ్రామాలు, నగరాలు ప్రపంచంలోని ఇతర ప్రాంతాల కంటే భిన్నమైనవి, ప్రత్యేకమైనవి చాలానే ఉన్నాయి. అదేవిధంగా, నైరుతి ఫ్రాన్స్‌లో ఒక ప్రత్యేకమైన గ్రామం ఉంది. ఇక్కడ నివసించే ప్రతి వ్యక్తి చిత్తవైకల్యంతో బాధపడుతున్నందున ఈ ఊరు చాలా ప్రత్యేకమైనదిగా వార్తల్లో నిలుస్తుంది. అది ఫ్రాన్స్‌లోని లాండాయిస్ గ్రామం. ఇక్కడ అత్యంత పెద్ద వ్యక్తికి 102 సంవత్సరాలు, చిన్న వ్యక్తికి 40 సంవత్సరాలు. గ్రామంలోని ప్రధాన కూడలిలో ఒక సాధారణ దుకాణం ఉంటుంది. ఇక్కడ అవసరమైన అన్ని వస్తువులు అందుబాటులో ఉంటాయి. కానీ, ఇక్కడ ఏ వస్తువుకు డబ్బు చెల్లించాల్సిన అవసరం ఉండదు.. అంటే, ఇక్కడన్నీ ఫ్రీగానే లభిస్తాయి. షాక్ అవుతున్నారు కదా.. అయితే, పూర్తి వివరాల్లోకి వెళ్దాం…
విలేజ్ లాండాయిస్.. అనేది ఒక రకమైన ప్రయోగం. అంటే, అల్జీమర్స్‌తో బాధపడేవారిలో ప్రతిదాన్ని గుర్తుంచుకోవడం, ఒత్తిడిని తొలగించడం ద్వారా వ్యాధిని నయం చేయడంలో సహాయపడుతుందనే లక్ష్యంతో.. ఈ గ్రామాన్ని ప్రత్యేకించి ఏర్పాటు చేశారట. ఈ ప్రయోగాన్ని బోర్డియక్స్ విశ్వవిద్యాలయానికి చెందిన పరిశోధకుల బృందం నిర్వహిస్తోంది. దీనికి ప్రొఫెసర్ హెలెన్ అమీవా నాయకత్వం వహిస్తున్నారు. ఆమె ప్రతి ఆరు నెలలకోసారి గ్రామాన్ని సందర్శిస్తూ నివాసితులతో మాట్లాడతారు. వారి వ్యాధి పురోగతిని పర్యవేక్షిస్తుంటారు.. ఇక్కడి ఈ గ్రామంలో షాపింగ్ నుండి పరిశుభ్రత వరకు ప్రతిదానికీ నిర్ణీత సమయం అంటూ ఉండదు.. గ్రామస్థులు వారి సొంత సౌలభ్యం ప్రకారం వారు ఏ పనినైనా చేసుకునేలా స్వేచ్ఛ, స్వాతంత్రం కల్పిస్తారు.
ఇక, ఇక్కడ ఉంటున్న అల్జీమర్స్‌ బాధితులు.. వ్యాధికి చికిత్సతో పాటు క్షేమంగా ఉన్నారని, ఎలాంటి ఒత్తిడి లేకుండా జీవిస్తున్నారని తెలిసి వారి కుటుంబ సభ్యులు సంతోషిస్తున్నారని చెప్పారు ప్రొఫెసర్ అమీవా.. వీటన్నింటి వల్ల ఇక్కడి ప్రజలకు అనారోగ్యం మెరుగైందన్నారు. ఈ గ్రామంలో దాదాపు 120 మంది ప్రజలు నివసిస్తున్నారని చెప్పారు. వారికి సమాన సంఖ్యలో ఆరోగ్య నిపుణులు కూడా ఇక్కడే నివసిస్తున్నారు.
ఈ లాండాయిస్ గ్రామంలో అవసరమైన ఏ వస్తువుకు డబ్బు చెల్లించాల్సిన అవసరం లేదు.. కాబట్టి ఎవరూ తమ పర్స్ తీసుకెళ్లాలని గుర్తుంచుకోవాల్సిన అవసరం కూడా లేదు. అలాగే ఇక్కడి ప్రజల్ని ఉచిత దుకాణాలు రెస్టారెంట్లు, గ్రామస్తులు థియేటర్‌ను సందర్శించి ఇతర కార్యక్రమాలలో పాల్గొనేలా ప్రోత్సహిస్తారు. వారికి ప్రభుత్వమే డబ్బులు చెల్లిస్తుంది.
ఈ గ్రామానికి చెందిన ఓ వ్యక్తి కుమార్తె డొమినిక్ మాట్లాడుతూ.. మా అమ్మ ఇక్కడ ప్రశాంతంగా ఉందని చెప్పారు. ఆమె క్షేమంగా ఉందని తెలిసి ఇక్కడి నుంచి వెళ్లిపోతున్నానని ఆనందంగా చెప్పారు. మా అమ్మను చూసేందుకు వచ్చినప్పుడు మా అమ్మతో మా ఇంట్లో ఉన్నట్లుగానే అనిపిస్తుందని చెప్పారు. .ఈ గ్రామంలోని నివాసితుల కుటుంబాలు వార్షికంగా £24,300 (రూ. 25 లక్షలు) చెల్లించాలి. అయితే, ప్రాంతీయ ఫ్రెంచ్ ప్రభుత్వం గ్రామాన్ని స్థాపించిందట.
మరిన్ని ట్రెండింగ్ న్యూస్ కోసం క్లిక్ చేయండి..
