Watch Video: దమ్ముంటే బయటకు రారా..! అద్దంలోని ప్రతిబింబంతో కుక్క పిల్ల గొడవ.. వైరల్ అవుతున్న వీడియో..

Watch Video: పెంపుడు జంతువులుగా పెంచుకునే కుక్కలు, పిల్లులు చాలా గమ్మత్తయినవి. ఎలాంటి వారినైనా ఆకర్షించి, తమ మాయలో పడేలా చేయగలవు. ఇలాంటి వీడియోలు సోషల్ మీడియాలో అనేకం వైరల్ అవుతుంటాయి. అలాంటి వీడియో ఒకటి ప్రస్తుతం నెట్టింట..

Dog Fighting Visuals

శివలీల గోపి తుల్వా |

Updated on: Jun 17, 2023 | 8:49 AM

Watch Video: పెంపుడు జంతువులుగా పెంచుకునే కుక్కలు, పిల్లులు చాలా గమ్మత్తయినవి. ఎలాంటి వారినైనా ఆకర్షించి, తమ మాయలో పడేలా చేయగలవు. ఇలాంటి వీడియోలు సోషల్ మీడియాలో అనేకం వైరల్ అవుతుంటాయి. అలాంటి వీడియో ఒకటి ప్రస్తుతం నెట్టింట తెగ హల్చల్ చేస్తోంది. ఆ వీడియోలో ఓ కుక్క పిల్ల చేసిన పనికి పెట్ లవర్స్ తెగ సంబరపడిపోతున్నారు. అంతగా ఆ కుక్క పిల్ల ఏం చేసింది అనకుంటున్నారా..? ఎంతో ముద్దుగా గొడవ పడుతోంది. అయితే ఆ గొడవ ఇతరులతోనో లేదా వేరే కుక్కలతోనో అయితే అందులో ప్రత్యేకత ఏముంటుంది..? అందుకే ఆ చిన్నారి కుక్కు అద్దంలోని తన ప్రతిబింబంతో గొడవకు దిగింది.

చూడడానికి జిమ్‌లా ఉన్న ప్లేసులో ఆ కుక్క పిల్ల తన ప్రతిబింబాన్ని అద్దంలో చూసింది. అంతే.. వేరే కుక్క పిల్ల తన వద్దకు వచ్చిందని ప్రతిబింబంపైకి దూకుతుంది. అలా సాగుతున్న వీడియో నెటిజన్లకు తెగ నచ్చేసింది. ఇక ఈ వీడియోపై వారు రకరకాలుగా కామెంట్లు చేస్తూ తమ అభిప్రాయాలను తెలియజేస్తున్నారు. ‘నాకు నేనే పోటీ’ అని ఆ కుక్క పిల్ల అనుకుంటుందని కామెంట్ చేశాడు ఓ నెటిజన్. ఇదే తరహాలో మరొకరు ‘వెనక్కు వెళ్లిపో.. ముందుకు వస్తే కొడతా..’ అని కామెంట్ చేశారు. ఇలా నెటిజన్లు తమ స్పందనలను కామెంట్ చేస్తున్నారు. ఇక ఈ క్యూట్ వీడియోకు ఇప్పటివరకు 2 లక్షల 30 వేల లైకులు.. 1 కోటి 70 లక్షల వరకు వీక్షణలు వచ్చాయి.

ఇవి కూడా చదవండి