మళ్లీ వైరల్ గా మారిన డ్యాన్సింగ్ అంకుల్ వీడియో.. ఈసారి సొంత మ్యూజిక్ తో..

డ్యాన్సింగ్ అంకుల్ గా పేరుగాంచిన సంజీవ్ శ్రీవాస్తవ మరోసారి రికార్డుల్లోకి ఎక్కారు. ఇప్పటివరకు సినీ గీతాలకు డ్యాన్స్ చేసి విపరీతమైన ఫ్యాన్ ఫాలోయింగ్ సొంతం చేసుకున్న శ్రీవాస్తవ ఇప్పుడు తనపైనే చిత్రీకరించిన ఆల్బం సాంగ్ కు అదిరిపోయే రేంజ్ లో డ్యాన్స్ చేశారు. యూఏఈలో ఉండే మ్యూజిక్ కంపోజర్ జాసిమ్, భారతీయ గాయకుడు బెన్నీ దయాళ్ సంయుక్తంగా రూపొందించిన చాచా నాచ్ అనే పాటలో ఈ డ్యాన్సింగ్ అంకుల్ అద్భుతమైన డ్యాన్స్ పెర్ఫామ్ చేశారు. తన పదేళ్ల వయసు నుంచే డ్యాన్స్ చేస్తున్న ఈ డ్యాన్సింగ్ అంకుల్ తన బావమరిది పెళ్లిలో డ్యాన్స్ చేసిన వీడియో ఇంటర్నెట్లో సెన్సేషన్ క్రియేట్ చేసింది. అక్కడ్నించి సామాజిక మాధ్యమాల్లో డాన్సింగ్ అంకుల్ పేరుతోనే పాప్యులర్ అయ్యాడు. సంజీవ్ శ్రీవాస్తవ ఓ ఇంజినీరింగ్ రీసెర్చ్ ఇన్ స్టిట్యూట్ లో ప్రొఫెసర్ గా పనిచేస్తున్నారు.