Watch Video: అమెరికా ఎయిర్ ఫోర్స్‌కు భారీ షాక్.. బీ-52 బాంబర్ కూలి ఎనిమిది మంది మృతి!

అమెరికా వైమానిక దళానికి చెందిన అత్యంత శక్తివంతమైన బాంబర్ విమానాల్లో ఒకటైన బీ-52 స్ట్రాటోఫోర్ట్రెస్ కాలిఫోర్నియాలో ఘోర ప్రమాదానికి గురైంది. సోమవారం (జూన్ 15) ఉదయం కాలిఫోర్నియాలోని ఎడ్వర్డ్స్ ఎయిర్ ఫోర్స్ బేస్ నుంచి సాధారణ పరీక్షా మిషన్ కోసం టేకాఫ్ అయిన కొద్దిసేపటికే ఈ బాంబర్ కుప్పకూలింది. ప్రమాదంలో విమానంలో ఉన్న మొత్తం ఎనిమిది మంది ప్రాణాలు కోల్పోయినట్లు అమెరికా వైమానిక దళం అధికారికంగా ధృవీకరించింది.

స్థానిక కాలమానం ప్రకారం సోమవారం ఉదయం 11:20 గంటలకు విమానం గాల్లోకి ఎగిరిన వెంటనే ప్రమాదానికి గురైంది. కూలిపోయిన వెంటనే భారీ పేలుడు సంభవించి, దట్టమైన నల్లటి పొగ ఆకాశంలోకి ఎగిసిపడింది. ప్రమాదానికి సంబంధించిన వీడియోలు సోషల్ మీడియాలో వైరల్ అయ్యాయి. ఘటనాస్థలికి అత్యవసర సిబ్బంది వెంటనే చేరుకుని సహాయక చర్యలు చేపట్టారు. అయితే ప్రమాదం తీవ్రత దృష్ట్యా ఇది ప్రాణాలతో బయటపడే అవకాశం లేని ప్రమాదం అని అధికారులు తెలిపారు.

ఈ బీ-52 బాంబర్ రాడార్ ఆధునికీకరణ కార్యక్రమంలో భాగంగా పరీక్షా విమానయాన మిషన్ నిర్వహిస్తున్నట్లు తెలుస్తోంది. మృతుల్లో సైనిక సిబ్బందితో పాటు ప్రభుత్వ ఉద్యోగులు, కాంట్రాక్టర్లు కూడా ఉన్నారు. వారిలో ఇద్దరు బోయింగ్ సంస్థ ఉద్యోగులని సంస్థ ధృవీకరించింది. ప్రమాదం అనంతరం ఎడ్వర్డ్స్ ఎయిర్ ఫోర్స్ బేస్‌లోని ఎయిర్‌ఫీల్డ్‌ను పూర్తిగా మూసివేశారు. లోపలికి వచ్చే విమానాలను ఇతర విమానాశ్రయాలకు మళ్లించారు. ప్రమాదానికి గల కారణాలపై ప్రత్యేక దర్యాప్తు ప్రారంభించారు.

1950లలో సేవలోకి వచ్చిన బీ-52 స్ట్రాటోఫోర్ట్రెస్ అమెరికా వ్యూహాత్మక బాంబర్ దళంలో కీలక భాగంగా కొనసాగుతోంది. అణ్వాయుధాలు, సంప్రదాయ ఆయుధాలను వేల కిలోమీటర్ల దూరం వరకు మోసుకెళ్లగల ఈ విమానం వియత్నాం యుద్ధం నుంచి ఇటీవల ఇరాన్‌పై నిర్వహించిన “ఆపరేషన్ ఎపిక్ ఫ్యూరీ” వరకు అనేక కీలక మిషన్లలో పాల్గొంది. ఈ ప్రమాదం బీ-52 విమానాల చరిత్రలో అత్యంత విషాదకర ఘటనల్లో ఒకటిగా నిలిచింది.

BREAKING | B-52 Bomber Crashes in CAThe American aircraft went down shortly after takeoff from Edwards Air Force Base this morning. Get real-time updates with Citizen App. 📲

📍Edwards Air Force Base, California. pic.twitter.com/4KUrEPKzlq

— Citizen (@CitizenApp) June 15, 2026

మరిన్ని అంతర్జాతీయ వార్తల కోసం ఇక్కడ క్లిక్ చేయండి..