Viral Video: చిరుత కూనతో చిన్నారి ఆటలు.. అరే బాబూ.. అది పిల్లిపిల్ల కాదురా అంటున్న నెటిజన్లు
వాతావరణంలో వస్తున్న మార్పులతో అరణ్య వాసాల నుంచి కౄర మృగాలు అప్పుడప్పుడు జనారణ్యంలోకి వస్తూ ఉంటాయి. అలా ఒక చిరుత పులి పిల్ల దారి తప్పి ఎలా వచ్చింది ఏమో.. ఒక బాలుడు అది పిల్లి పిల్ల అన్నట్లు చిరుతపులి పిల్లతో ఆడుకుంటున్నాడు. అందుకు సంబంధించిన వీడియో నెట్టింట వైరల్ కావడంతో అందరూ షాకవుతున్నారు.
Updated on: Jun 19, 2023 | 9:35 AM
అడవిలో నివసించే కౄర మృగాలంటే అందరికీ భయమే. అవి తమ జోలికి రాకపోయినా.. వాటిని చూస్తే చాలు వీలైనైనంత దూరం పారిపోతారు. సర్వ సాదరంగా ఎంతటి క్రూరజంతువైనా సరే తమ జోలికి రానంత వరకూ.. లేదా తమకి ఆకలి వేయనంత వరకూ అవి ఏమీ చేయవు. అంతేకాదు తమకు మానవులుగానీ, ఇతర జంతువులు గానీ హాని తలపెడితే మాత్రం వాటి అంతు చూసే వరకూ వదిలిపెట్టవు. ఇక పులి, చిరుతపులి, సింహంలాంటి జంతువుల గురించి చెప్పనక్కర్లేదు. అయితే వాతావరణంలో వస్తున్న మార్పులతో అరణ్య వాసాల నుంచి కౄర మృగాలు అప్పుడప్పుడు జనారణ్యంలోకి వస్తూ ఉంటాయి. అలా ఒక చిరుత పులి పిల్ల దారి తప్పి ఎలా వచ్చింది ఏమో.. ఒక బాలుడు అది పిల్లి పిల్ల అన్నట్లు చిరుతపులి పిల్లతో ఆడుకుంటున్నాడు. అందుకు సంబంధించిన వీడియో నెట్టింట వైరల్ కావడంతో అందరూ షాకవుతున్నారు. ఈ ఘటన ఉత్తరప్రదేశ్‌లో చోటుచేసుకుంది.
ఉత్తర ప్రదేశ్‌ మీరట్‌లోని షాజన్‌పూర్‌లో ఓ మామిడి తోటలో ఓ పదేళ్లబాలుడు ఏదో పెంపుడు కుక్కతో ఆడుకున్నట్లు చిరుత పిల్లతో ఆటలాడుతున్నాడు. ఆ చిరుత కూన మెడలో తాడు కట్టి ఉంది. ఆ కూన మామిడిచెట్టు కింద ఉండగా బాలుడు దాన్ని పట్టుకోడానికి ప్రయత్నిస్తున్నాడు. అది బాలుడినుంచి తప్పించుకుంటూ దొంగ పోలీసు ఆడుకుంటోంది. ఇది గమనించిన మామిడితోట యజమాని ఫారెస్ట్‌ అధికారులకు సమాచారమిచ్చాడు. వెంటనే స్పందించిన అటవీ అధికారులు అక్కడికి చేరుకొని చిరుత కూనను స్వాధీనం చేసుకున్నారు.
#मेरठ के किठौर थाना क्षेत्र के शाहजहापुर कस्बे में बाग में खेलते हुए बच्चो को मिला #तेंदुए का बच्चा ? pic.twitter.com/9JtWLcq3WW
— Dr.Ahtesham Siddiqui (@AhteshamFIN) June 16, 2023
పిల్లాడు, చిరుత కూనతో ఆడుకుంటున్న సమయంలో ఎవరు వీడియో తీశారనేది క్లారిటీ లేదు. ఈ వీడియోను సోషల్‌ మీడియాలో పోస్ట్‌ చేయడంతో వైరల్‌గా మారింది. అసలు మామిడి తోటలోకి చిరుత పులి పిల్ల ఎలా వచ్చింది. ఆ బాలుడు అంత ధైర్యంగా ఆ పులిపట్టుకుంటున్నాడంటే పక్కన ఎవరో పెద్దవాళ్లు ఉండే ఉంటారని నెటిజన్లు అనుమానం వ్యక్తం చేస్తున్నారు. ఈ వీడియో చూసిన వాళ్లంతా వీడు పిల్లాడు కాదు పిడుగు అంటూ కామెంట్స్ చేస్తున్నారు. ఇక అక్కడికి చిరుత పిల్ల ఎలా వచ్చింది అనే విషయంపై దర్యాప్తు చేపట్టారు అటవీ అధికారులు.
మరిన్ని జాతీయ వార్తల కోసం ఇక్కడ క్లిక్ చేయండి…
