Video Viral: భూమిపై నువ్వు.. నీటిలో నేను.. నీళ్లు తాగేందుకు వచ్చిన చిరుతపై మొసలి దాడి.. వీడియో చూస్తే వామ్మో అనాల్సిందే..
ప్రపంచంలోని అత్యంత శక్తివంతమైన, వేగవంతమైన జీవుల జాబితాలో చిరుతుపులులు ముందు వరసలో ఉంటాయి. వాటి వేగాన్ని అడవిలోని ఓ జంతువూ అందుకోలేదు. అయితే నీటిలో మాత్రం మొసలిని మించిన..
Updated on: Sep 21, 2022 | 3:54 PM
ప్రపంచంలోని అత్యంత శక్తివంతమైన, వేగవంతమైన జీవుల జాబితాలో చిరుతుపులులు ముందు వరసలో ఉంటాయి. వాటి వేగాన్ని అడవిలోని ఓ జంతువూ అందుకోలేదు. అయితే నీటిలో మాత్రం మొసలిని మించిన మరో ప్రాణి లేదనే చెప్పాలి. ఎందుకంటే భూమిపై నిదానంగా నడిచే మొసలి నీటిలో తన సత్తా ఏంటో చూపిస్తుంది. సాధారణంగా అడవిలో రకరకాల జంతువులు నివాసముంటాయి. క్రూర జంతువులు, మాంసాహార, శాకాహార జంతువులు ఉంటాయి. అయితే అడవిలో జీవించడం అనేది అంత సులభమైన విషయం కాదు. నిరంతరం సవాళ్లతో కూడుకున్నది. ప్రమాదం ఏ వైపు నుంచైనా ముంచుకురావచ్చు. ఈ ఘటనల్లో ప్రాణాలూ కోల్పోవచ్చు. ఇలాంటి వీడియోలు సోషల్ మీడియాలో చాలానే ఉన్నాయి. వీటిని చూసేందుకూ జనాలు ఎక్కువగా ఆసక్తి చూపిస్తుంటారు. వీటిలో చాలా వీడియోలు గూస్బంప్స్ తెప్పిస్తాయి. ప్రస్తుతం అలాంటి వీడియో ఒకటి వైరల్ అవుతోంది.
ఈ క్లిప్ లో ఒక మొసలి చెరువులో నీరు తాగుతున్న చిరుతను రెప్పపాటు కాలంలో వేటాడుతుంది. నీరు తాగేందుకు చెరువు వద్దకు వచ్చిన చిరుతను అక్కడే ఉండి కాపు కాస్తున్న మొసలి ఒక్క ఉదుటున ఎగిరి దాడి చేస్తుంది. ఏం జరిగిందో తెలుసుకునేలోపే చిరుతను నీటిలో లాక్కెళ్లిపోతుంది. తప్పించుకునేందుకు ప్రయత్నించినప్పటికీ ఏ మాత్రం అవకాశం ఇవ్వకుండా నీటి లోతుల్లోకి తీసుకెళ్లిపోయింది. అక్కడే ఉన్న మరో చిరుత ఈ దృశ్యాలను చూస్తూ నివ్వెరపోయింది. తన స్నేహితుడు ఏమయ్యాడోనని బిత్తర చూపులు చూస్తూ ఉండిపోయింది.
— Nature is Brutal (@natureisbruta1) September 19, 2022
ఈ క్లిప్ సోషల్ మీడియా ప్లాట్ఫామ్ ట్విట్టర్లో పోస్ట్ అయింది. 45 సెకన్ల వీడియోను ఇప్పటివరకు 68 వేలకు పైగా వీక్షించగా, వందలాది మంది లైక్ చేశారు. వీడియో చూసిన తర్వాత ప్రజలు వివిధ రకాల రియాక్షన్లు ఇస్తున్నారు. ‘ప్రకృతి నిజంగా క్రూరమైనది’ అని మరికొందరు తమ అభిప్రాయాలను కామెంట్ల రూపంలో రాస్తున్నారు.
మరిన్ని ట్రెండింగ్ న్యూస్ కోసం..
