Viral Video: వాటే థాట్‌, వాటే విజన్‌.. ఏఐని ఎలా వాడారో చూడండి..
ప్రస్తుతం ఆర్టిఫిషియల్ ఇంటెలిజెన్స్‌ వినియోగం ఓ రేంజ్‌లో పెరిగిపోతోంది. ప్రతీ రంగంలో ఏఐని ఉపయోగిస్తున్నారు. ఈ సరికొత్త టెక్నాలజీ సృష్టిస్తోన్న అద్భుతాలు అందరినీ ఆశ్చర్యానికి గురి చేస్తున్నాయి. తాజాగా ఇందుకు సంబంధించిన ఓ వీడియో నెట్టింట తెగ వైరల్‌ అవుతోంది. ఇంతకీ ఆ వీడియో ఏంటో మీరూ చూసేయండి..
Updated on: Nov 24, 2024 | 10:39 AM
ప్రస్తుతం ఎక్కడ విన్నా ఆర్టిఫిషియల్ ఇంటెలిజెన్స్‌ గురించే చర్చ జరుగుతోంది. రాబోయేతరం మొత్త ఏఐదే అనే వాదనలు వినిపిస్తున్నాయి. టెక్నాలజీలో వస్తున్న మార్పులతో ప్రపంచం మొత్తం మారనుందన్న వార్తలు వస్తున్నాయి. దాదాపు అన్ని రంగాల్లో ఏఐ వినియోగం పెరిగిపోయింది. ఈ టెక్నాలజీ రాకతో ఉద్యోగాలు ప్రమాదంలో పడుతాయన్న చర్చ ఓవైపు, కొత్త ఉద్యోగాలు వస్తాయన్న చర్చ మరో వైపు నడుస్తోంది.
ఇక ఏఐ చాట్‌బాట్‌లను విద్యార్థులు హోం వర్క్‌ కోసం కూడా ఉపయోగిస్తున్నారన్న వార్తలు నెట్టింట వైరల్‌ అవుతూనే ఉన్నాయి. ఈ క్రమంలోనే తాజాగా సోషల్‌ మీడియా వేదికగా ఓ వీడియో తెగ వైరల్‌ అవుతోంది. ఓ విద్యార్థిని ఏఐని ఉపయోగించిన విధానాన్ని చూస్తే ఆశ్చర్యపోవాల్సిందే. వివరాల్లోకి వెళితే.. కేరళకు చెందిన ఓ విద్యార్థి ఏఐ టెక్నాలజీ సహాయంతో హోం వర్క్‌ చేశాడు.
అచ్చంగా తన హ్యాండ్‌ రైటింగ్‌ను పోలిన విధంగా రాసే మెషిన్‌ను రూపొందించాడు. ఈ మిషిన్‌ అచ్చంగా మనిషి చేత్తో రాస్తున్నట్లే రాసేస్తోంది. ఇందుకోసం ఆర్టిఫిషియల్ ఇంటెలిజెన్స్‌ టెక్నాలజీని ఉపయోగించాడు. ఒక పేజీలో రాయడం పూర్తి కాగానే మరో పేజీని కూడా మిషిన్‌ ఓపెన్‌ చేస్తుండడం మరో విశేషం. ఈ మిషిన్‌ హోం వర్క్‌ రాస్తున్న వీడియోను సోషల్‌ మీడియాలో పోస్ట్‌ చేయగా ప్రస్తుతం ఈ వీడియో వైరల్‌ అవుతోంది.
View this post on Instagram
ఈ వీడియో చూసిన నెటిజన్లు ఆశ్చర్యపోతున్నారు. ఏఐ టెక్నాలజీతో ఇంకా ఎన్ని దారుణాలు జరుగుతాయో అంటూ కామెంట్స్‌ చేస్తున్నారు. ఇక హోమ్‌ వర్క్‌ చేస్తున్న ఈ ఏఐ మిషిన్‌కు సంబంధించిన ఫొటోను సోషల్‌ మీడియాలో పోస్ట్‌ చేస్తూ.. ‘వాటే విజన్‌, వాటే థాట్‌’ అంటూ మీమ్స్‌ను డిజైన్‌ చేస్తూ నెట్టింట వైరల్‌ చేస్తున్నారు.
మరిన్ని ట్రెండింగ్ వార్తల కోసం క్లిక్ చేయండి..
