Video: ఈ అమ్మాయి ట్యాలెంట్‌కు ఫిదా అవ్వకుండా ఉండలేరు.. ఆనంద్‌ మహీంద్రాను సైతం అవాక్కయ్యేలా చేసిన వీడియో..
సమాజంలో ఎంతో మంది ప్రతిభావంతులున్నారు. అయితే సరైన వేదిక లేక ఎంతో మంది ప్రతిభ ప్రపంచానికి తెలియకుండానే మరుగుపడిపోతోంది. కానీ సోషల్‌ మీడియాలో అందుబాటులోకి వచ్చిన తర్వాత మారుమూల గ్రామాల్లో ఉన్న వారి ప్రతిభ సైతం ప్రపంచానికి తెలుస్తోంది...
Updated on: Oct 27, 2022 | 2:43 PM
సమాజంలో ఎంతో మంది ప్రతిభావంతులున్నారు. అయితే సరైన వేదిక లేక ఎంతో మంది ప్రతిభ ప్రపంచానికి తెలియకుండానే మరుగుపడిపోతోంది. కానీ సోషల్‌ మీడియాలో అందుబాటులోకి వచ్చిన తర్వాత మారుమూల గ్రామాల్లో ఉన్న వారి ప్రతిభ సైతం ప్రపంచానికి తెలుస్తోంది. క్షణాల్లో ప్రపంచమంతా చుట్టేస్తోంది. తాజాగా ఇలాంటి ఓ వీడియోనే సోషల్‌ మీడియాను షేక్‌ చేస్తోంది. ఈ వీడియో ఆ కంట ఈ కంట పడి చివరికి ప్రముఖ వ్యాపారవేత్త ఆనంద్‌ మహీంద్రను కూడా చేరింది. ఇంకేముంది వెంటనే వీడియోను ట్వీట్‌ చేయడంతో ప్రస్తుతం ఈ వీడియో తెగ వైరల్ అవుతోంది.
వివరాల్లోకి వెళితే.. నూర్జహాన్‌ అనే యువతి ఒకేసారి 15 మంది స్వాతంత్రోద్యమ నాయకుల ఫొటోలను చిత్రీకరించిన తీరు అందరినీ ఆశ్చర్యానికి గురి చేస్తోంది. అసలు ఊహించుకోవడానికి కూడా సాధ్యంకాని పెయింటింగ్‌ను వేసిన నూర్జహాన్‌ ట్యాలెంట్‌కు అంతా ఫిదా అవుతున్నారు. ఈ వీడియోను ట్విట్టర్‌లో షేర్‌ చేసిన ఆనంద్‌ మహీంద్ర.. ‘ఇది అసలు ఎలా సాధ్యమైంది.? ఆ అమ్మాయి ముమ్మాటికీ అత్యంత ప్రతిభవంతురాలు. ఒకేసారి 15 పెయింటిగ్‌ వేయడం అద్భుతం. ఈ ప్రతిభను ఎవరైనా రుజువు చేస్తారా.? ఒకవేళ ఈ ఫీట్‌ నిజంగానే నిజమైతే.. నూర్జహాన్‌కు మా తరఫున స్కాలర్‌షిప్‌ను అందిస్తాము’ అని రాసుకొచ్చారు.
How is this even possible?? Clearly she’s a talented artist. But to paint 15 portraits at once is more than art—it’s a miracle! Anyone located near her who can confirm this feat? If valid, she must be encouraged & I’d be pleased to provide a scholarship & other forms of support. pic.twitter.com/5fha3TneJi
— anand mahindra (@anandmahindra) October 27, 2022
ఇక ఈ వీడియోను ఇలా షేర్‌ చేశారో లేదో అలా వైరల్ అవుతోంది. క్షణాల్లోనే లక్షల లైక్‌లు, రీట్వీట్‌లతో వీడియో దూసుకుపోతోంది. నెటిజన్లు కామెంట్లతో హోరెత్తిస్తున్నారు. నూర్జహాన్‌ది అద్భుత ట్యాలెంట్‌ అంటూ కొందరు ప్రశసంలు కురిపిస్తుంటే.. మరికొందరు మాత్రం అసలు ఇది ఏలా సాధ్యమైందంటూ అనుమానాలు వ్యక్తం చేస్తున్నారు. ఏది ఏమైనా ఈ వీడియో మాత్రం నెటిజన్లను తెగ ఆకట్టుకుంటోంది.
మరిన్ని ట్రెండింగ్ ఆర్టికల్స్ కోసం క్లిక్ చేయండి..
