Private Teachers Telangana: రేషన్‌ కార్డు లేకపోయినా సన్న బియ్యం.. తెలంగాణ ప్రభుత్వం కీలక నిర్ణయం..

Free Rice For Private Teachers In Telangana: కరోనా కారణంగా పాఠశాలలు మూతపడడంతో జీతం లేక ప్రైవేటు టీచర్లు కష్టాలు ఎదుర్కొంటున్నారు. ఇలాంటి వారి కోసమే.. 25 కిలోల సన్న బియ్యంతోపాటు, రూ. 2 వేల నగదు సాయంగా అందిస్తూ తెలంగాణ ప్రభుత్వం నిర్ణయం తీసుకున్న విషయం తెలిసిందే. అయితే ఇందుకోసం దరఖాస్తు చేసుకునే సమయంలో రేషన్‌కార్డు/ఆహార భద్రతా కార్డు నెంబర్‌ నమోదు చేయాలనే నిబంధన ఉంది. కానీ ప్రైవేటు టీచర్లలో రేషన్‌ కార్డు లేని వారు చాలా మంది ఉన్నారు. దీంతో వీరంతా గందరగోళానికి గురై అధికారులను సంప్రదించారు. దీంతో ఈ విషయమై ఉన్నతాధికారులు స్పందిస్తూ.. రేషన్‌ కార్డు లేకపోయినా 25 కిలోల బియ్యం అందజేయాలని ఆదేశాలిచ్చారు. తమకు సమీపంలో ఉన్న రేషన్‌షాపు నంబర్‌ను దరఖాస్తుల్లో పేర్కొనాలని అధికారులు సూచించారు. ఇదిలా ఉంటే ప్రభుత్వం అందిస్తోన్న ఈ సాయం కోసం మూడురోజుల్లోనే 1.25 లక్షల మంది దరఖాస్తు చేసుకొన్నారు. సోమవారం ఒక్కరోజే 65 వేలకు పైగా దరఖాస్తులు వచ్చాయి. దరఖాస్తు చేసుకోవడానికి మరో మూడు రోజులు గడువు ఉండడంతో దరఖాస్తుల సంఖ్య మరింత పెరిగే అవకాశం కనిపిస్తోంది. ఈ నెల 21 నుంచి ప్రైవేటు పాఠశాలల టీచర్లు, సిబ్బందికి సన్న బియ్యం పంపిణీ చేయనున్నారు. ఈ క్రమంలోనే టీచర్లు, సిబ్బందికి పంపిణీ చేసేందుకు సన్నబియ్యం సిద్ధంచేయాలని పౌరసరఫరాలశాఖ కమిషనర్‌ ఆదేశాలు జారీచేశారు. ఇక కేసీఆర్‌ ప్రభుత్వం తీసుకున్న ఈ నిర్ణయంలో హీరో మంచి విష్ణు ప్రశంసలు కురిపించిన విషయం తెలిసిందే. ప్రభుత్వ నిర్ణయం ఎంతో గొప్పదని, ముఖ్యమంత్రి నిర్ణయంతో ఉపాధ్యాయులు, సిబ్బంది ఎంతగానో సంతోషిస్తున్నారని ఆయన సోమవారం ట్వీట్‌చేశారు.

Also Read: CM KCR Sagar Meeting: హాలియాలో సీఎం కేసీఆర్ సభకు తొలగిన అడ్డంకి.. పిటిషన్లను కొట్టివేసిన హైకోర్టు

Ugadi: ఈ ఏడాది ఓ పెద్దనేతకు ఇబ్బందికర పరిస్థితులు.. విశాఖ శ్రీ శారదాపీఠం ఉగాది వేడుకల్లో స్వరూపానందేంద్ర స్వామి

Low-Cost House: తక్కువ ఖర్చుతో 15 రోజుల్లో మైక్రో ఇల్లు రూపకల్పన చేసిన అమ్మాయిపై కవిత ప్రశంసల వర్షం