Telangana: పదో తరగతి విద్యార్థులకు గుడ్‌ న్యూస్‌.. హాల్‌ టికెట్ చూపిస్తే ఉచితంగా ప్రయాణం.

తెలంగాణలో రేపు (సోమవారం) జరగనున్న పదో తరగతి పరీక్షలకు సర్వం సిద్ధమైంది. రాష్ట్ర వ్యాప్తంగా మొత్తం 4,94,620 మంది విద్యార్థులు ఈ పరీక్షలకు హాజరవుతున్నారు. మొత్తం 2652 పరీక్షా కేంద్రాలను ఏర్పాటు చేశారు. ఎలాంటి అవాంఛనీయ సంఘటనలు...

Ts 10th Exams

Updated on: Apr 02, 2023 | 6:29 PM

తెలంగాణలో రేపు (సోమవారం) జరగనున్న పదో తరగతి పరీక్షలకు సర్వం సిద్ధమైంది. రాష్ట్ర వ్యాప్తంగా మొత్తం 4,94,620 మంది విద్యార్థులు ఈ పరీక్షలకు హాజరవుతున్నారు. మొత్తం 2652 పరీక్షా కేంద్రాలను ఏర్పాటు చేశారు. ఎలాంటి అవాంఛనీయ సంఘటనలు జరగకూడదనే ఉద్దేశంతో అధికారులు అన్ని రకాల ఏర్పాట్లను చేశారు. ఇందులో భాగంగానే పరీక్షా కేంద్రాల దగ్గర సీసీ కెమెరాలు, కంట్రోల్‌ రూం ఏర్పాటు చేయాలని ఇప్పటికే మంత్రి సబితా ఇంద్రా రెడ్డి అధికారులకు తెలిపారు.

ఉచిత ప్రయాణం..

ఇదిలా ఉంటే పదో తరగతి పరీక్షకు హాజరయ్యే విద్యార్థులకు ప్రభుత్వం శుభ వార్త చెప్పింది. పరీక్షలకు హాజరయ్యే విద్యార్థులంతా ఆర్టీసీ బస్సుల్లో ఉచితంగా ప్రయాణించవచ్చు. ఇందుకోసం విద్యార్థులు తమ హాల్‌ టికెట్లున చూపిస్తే సరిపోతుంది. ఇదిలా ఉంటే ఈసారి పరీక్ష పేపర్లను ఆరుకి తగ్గించారు. ఉద‌యం 9:30 నుంచి మ‌ధ్యాహ్నం 12:30 వ‌ర‌కు పరీక్షలు జరగనున్నాయి.