కాంగ్రెస్ కు మరో షాక్..!

హైదరాబాద్: సార్వత్రిక ఎన్నికల ముందు తెలంగాణ కాంగ్రెస్‌కి మరో షాక్‌ తగిలింది. సీనియర్‌ నేత, ఏఐసీసీ సభ్యుడు పొంగులేటి సుధాకర్‌రెడ్డి పార్టీకి రాజీనామా చేశారు. ఇక తన రాజీనామా లేఖను అధినేత రాహుల్‌గాంధీకి పంపించారు. గతంలో కన్నా ఇప్పుడు పార్టీలో ధన రాజకీయాలు పెరిగిపోయాయని… అంతేకాకుండా ఇటీవల జరిగిన ఎమ్మెల్యే, ఎమ్మెల్సీ ఎన్నికల్లో డబ్బులు ఇచ్చిన వారికే పార్టీ సీట్లు ఇచ్చిందని ఆయన ఆరోపించారు. ఇక ఆయన పార్టీ వీడడానికి ఇదే కారణం అంటూ రాసిన లేఖలో పేర్కొన్నారు.

కాగా పొంగులేటి సుధాకర్‌ రెడ్డి త్వరలోనే బీజేపీలోకి చేరుతున్నట్లు తెలుస్తోంది. ఇవాళ మధ్యాహ్నం 12 గంటలకు ప్రధానమంత్రి నరేంద్ర మోడీతో ఆయన భేటీ కానున్నట్టు సమాచారం.