PM Modi: మే 22న వరంగల్‌లో కొత్త రైల్వే స్టేషన్‌ను ప్రారంభించనున్న మోదీ

ప్రధానమంత్రి నరేంద్ర మోడీ మే 22న వరంగల్ రైల్వే స్టేషన్ కొత్త భవనాన్ని వర్చువల్‌గా ప్రారంభించనున్నారు. తెలంగాణలో రైల్వేల అభివృద్ధికి కేంద్రం కట్టుబడి ఉందని, ఈ ఎజెండాలో భాగంగా రూ.25.41 కోట్లతో వరంగల్ స్టేషన్‌ను అప్‌గ్రేడ్ చేసినట్లు బిజెపి రాష్ట్ర నాయకుడు ఎర్రబెల్లి ప్రదీప్ రావు తెలిపారు.

కొత్త భవనాన్ని పరిశీలించిన సందర్భంగా ప్రదీప్ రావు మీడియాతో మాట్లాడుతూ, దేశవ్యాప్తంగా స్టేషన్లను ఆధునీకరించాలనే ఉద్దేశంతో మోడీ సర్కార్ నిధులను కేటాయిస్తుందని, ఇందులో వరంగల్ ప్రాజెక్ట్ ఒక భాగమని, ప్రయాణికులకు ప్రపంచ స్థాయి సౌకర్యాలను అందిస్తుందని అన్నారు. వరంగల్ రైల్వే స్టేషన్‌లోని సౌకర్యాలలో విశాలమైన ఫుట్ ఓవర్‌బ్రిడ్జి, ఎస్కలేటర్లు, లిఫ్ట్‌లు, ర్యాంప్‌లు, ల్యాండ్‌స్కేపింగ్, ఆధునిక ఫుడ్ కోర్టులు, వాణిజ్య సముదాయాలు ఉన్నాయన్నారు.

కాగా, వరంగల్ స్టేషన్‌లో నాలుగు ప్లాట్‌ఫారమ్‌లు ఉన్నాయి. రోజుకు 137 రైళ్లు రాకపోకలు కొనసాగుతాయి. ఇది ప్రతిరోజూ సగటున 31,887 మంది ప్రయాణికులకు సేవలందిస్తోంది. ఆధునిక మౌలిక సదుపాయాలు, ఎసి వెయిటింగ్ హాళ్లు, అల్ట్రామోడర్న్ లాంజ్‌లతో సహా రెస్ట్‌రూమ్‌లు, స్టోరేజ్ రూములు, తాగునీటి పాయింట్లు, 24/7 నిఘాతో కూడిన ఎటిఎంలతో అవసరాలను తీర్చడంపై కూడా ప్రత్యేక శ్రద్ధ పెట్టినట్లు ఆయన తెలిపారు.

మరిన్ని తెలంగాణ వార్తల కోసం ఇక్కడ క్లిక్ చేయండి