Nizamabad: బంజారుల సంస్కృతికి ప్రతీక తీజ్‌ పండుగ.. ప్రకృతిని ఆరాధిస్తూ..

డప్పు చప్పుళ్లు, సాంప్రదాయ నృత్యాలు, ఆటపాటలు… నిజామాబాద్‌ జిల్లాలోని ఏ తండాలో చూసినా ఇప్పుడు ఇదే సందడి వాతావరణం కనిపిస్తోంది. చిన్నాపెద్దా తేడా లేకుండా అందరూ తీజ్‌ పండుగ సంబరాల్లో మునిగి తేలుతున్నారు. ప్రకృతిని ఆరాధిస్తూ… మొలకల పండుగను ఘనంగా నిర్వహిస్తున్నారు.

పెళ్లికాని ఆడపిల్లలు మట్టిలో విత్తనాలు నాటి.. భక్తి శ్రద్ధలతో తొమ్మిది రోజులపాటు ఆరాధిస్తారు. నియమ నిష్టలతో ఉపవాస దీక్ష చేస్తూ ప్రతిరోజూ నీళ్లు పోసి పూజలు చేస్తున్నారు. తొమ్మిది రోజుల తర్వాత మొలకలైన వాటిని నిమజ్జనం చేస్తారు. ఇక ఈ నిమజ్జన వేడుకలను ఆటాపాటలతో యమా సంబురంగా నిర్వహిస్తారు తాండావాసులు.

ఆధునిక ప్రపంచంలోనూ ఆచారాలను పాటిస్తూ ఆదర్శంగా నిలుస్తున్నాయి గిరిజన తండాలు. పెద్ద పెద్ద ఉద్యోగాలు చేస్తున్నప్పటికీ తరాలుగా వస్తున్న ఆచారాన్ని తూచా తప్పకుండా పాటిస్తున్నారు. ఉద్యోగరీత్యా వేర్వేరు ప్రాంతాల్లో స్థిరపడినప్పటికీ… తీజ్‌ పండుగకు స్వస్థలాలకు చేరుకుని కుటుంబ సభ్యులతో కలిసి వేడుకలు జరుపుకుంటున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..