KTR Interview Highlights: ‘నరేంద్ర మోడీ గాడ్సే భక్తుడని నేనంటున్నా.. నన్ను కూడా జైలులో పెడతారా’.. మంత్రి కేటీఆర్‌ సంచలన వ్యాఖ్యలు

KTR Interview Highlights: టీఆర్‌ఎస్, బీజేపీ మధ్య గట్ట కొద్దిరోజులుగా పచ్చగడ్డి వేస్తే భగ్గుమనే పరిస్థితి ఏర్పడింది. తెలంగాణ గవర్నర్ వ్యవహారం, ధాన్యం కొనుగోలు, నదీజలాల వాటా.. ఇలా ఒకటేమిటీ ఎన్నో అంశాలపై టీఆర్ఎస్, బీజేపీ నేతల మధ్య మాటల యుద్ధం జరుగుతోంది. ఈ తరుణంలో ఐటీ మంత్రి కేటీఆర్ తాజాగా టీవీ9కు స్పెషల్ ఇంటర్వ్యూ ఇచ్చారు. ఇందులో తన మనసులో ఉన్న మాటలను ఇంటర్వ్యూ ద్వారా పంచుకున్నారు.

ప్రాంతీయ పార్టీని స్థాపించి రెండు దశాబ్దాల పాటు నడిపించిన వ్యక్తుల్లో ఇద్దరే ఇద్దరు. స్వర్గీయ నందమూరి తారకరామారావు, కేసీఆర్‌. ఒక ప్రాంతీయ పార్టీ మనుగడ, రెండు దశబ్దాల పాటు నడిపించడం, ప్రజలకు అనుగుణంగా నడిపించడం అనేది అంత సులువైనది కాదు. పార్టీ పెట్టి 21 ఏళ్లు నిండుతున్న కారణంగా సమావేశం ఏర్పాటు చేసి బహిరంగ సభ కాకుండా ఒక ప్రతినిధుల సభను ఏర్పాటు చేయనున్నాము.. అని అన్నారు. మంత్రి కేటీఆర్‌. ముఖ్యమంత్రి కేసీఆర్‌ నాయకత్వంలో ఎన్నో అభివృద్ధి పనులు జరిగాయి. తెలంగాణలో జరుగుతున్న సంక్షేమ కార్యక్రమాలు ఏ రాష్ట్రంలో కూడా ఇంత వేగంగా అభివృద్ధి జరగలేదు. కాళేశ్వరం ప్రాజెక్టు కూడా వేగంగానే అభివృద్ధి జరిగింది. కేసీఆర్‌ నాయకత్వంలో ఎన్నో అబివృద్ధి పనులు జరిగాయి. దేశానికి అన్నం పెడుతున్నది రాష్ట్రం తెలంగాణ అని, రాష్ట్రంలో ఒక్క ప్రాజెక్టుకు జాతీయ హోదా ఇవ్వలేదు. ఏడేళ్ల కాలంలో తెలంగాణకు కేంద్ర ప్రభుత్వం చేసిందేమి లేదని మంత్రి కేటీఆర్ కేంద్రంపై నిప్పులు చెరిగారు. తమ ప్రభుత్వమే రాష్ట్ర సమస్యలు పరిష్కరించుంటుందని అన్నారు. అలాగే చాలా రాష్ట్రాల్లో కాంగ్రెస్‌ బలహీనతనే బీజేపీకి బలం. ఐదు రాష్ట్రాల్లో జరిగిన అసెంబ్లీ ఎన్నికల్లో బీజేపీ పెద్దగా చేసిందేమి లేదు. కాంగ్రెస్‌ ప్రత్యామ్నాయంగా ఎదుర్కొనే పార్టీ బీజేపీ ఉందనే విశ్వాసంతో బీజేపీకి ఓటు వేశారని వ్యాఖ్యానించారు.

ఆరేళ్లలో తెలంగాణలో అన్ని సమస్యలు పరిష్కరించాం. ఆరేళ్ల కాలంలో తెలంగాణ రాష్ట్రంలో అన్ని సమస్యలను పరిష్కరించాం. దేశంలో 75 ఏళ్లుగా తాగునీటి సమస్య తీర్చలేకపోయారు. ఏపీ రాజకీయాలు కులం చుట్టూ తిరుగుతున్నాయి. తెలంగాణలో కుల రాజకీయాలు లేవని మంత్రి స్పష్టం చేశారు. దేశంలో బీజేపీ అధికారంలోకి వచ్చాక బీజేపీ ప్రభుత్వం తెలంగాణకు చేసిందేమి లేదు. ఏనిమిదేళ్ల కాలంలో బీజేపీ తెలంగాణకు ఏం చేసిందంటే చెప్పుకునేందు ఏమీలేదు. పాత బస్తి, కొత్త బస్తి అంటూ రాజకీయాలు చేస్తున్నారు తప్ప ఎలాంటి ప్రయోజనం లేదని మండిపడ్డారు.

డబుల్‌ ఇంజిన్‌ అంటే మోడీ.. ఈడీ.. తప్పు చేసిన వాళ్లు భయపడాలి.. మాకెందుకు భయం. నరేంద్ర మోడీ గాడ్సే భక్తుడని నేనంటున్నా.. నన్ను కూడా జైలులో పెడతారా పెట్టండి చూద్దాం అంటూ కేటీఆర్‌ సవాల్ విసిరారు.

అలాగే తెలంగాణలో నెక్ట్స్‌ సీఎం కేటీఆర్‌ అనే అంశం ఎన్నో రోజుల నుంచి రాష్ట్రంలో చర్చ జరుగుతోంది. దీనికి కేటీఆర్‌ సమాధానం ఇచ్చారు. నేను ఏనాడు కూడా మంత్రి కావాలని అనుకోలేదు. ప్రజల ఆశీర్వాదంతో నేను మంత్రిని అయ్యాను. అదే నాకు గొప్ప.. రాష్ట్రంలో నేను సీఎం కావాలనే కోరిక ఏనాడు లేదు. నాకు మంత్రి పదవి రావడమే గొప్పగా భావించాను తప్ప సీఎం కావాలని అనుకోవడం లేదు అంటూ కేటీఆర్ చమత్కరించారు.

Published On - Apr 22,2022 6:51 PM