హైదరాబాద్‌లో మళ్లీ డబుల్ డెక్కర్ బస్సులు వచ్చే అవకాశం..!
హైదరాబాద్‌లో ఒకప్పుడు డబుల్ డెక్కర్ బస్సులు తిరిగేవన్న విషయం అందరికీ తెలిసిందే. పలు తెలుగు పాత సినిమాల్లో కూడా వాటిని చూపించారు
double decker buses: హైదరాబాద్‌లో ఒకప్పుడు డబుల్ డెక్కర్ బస్సులు తిరిగేవన్న విషయం అందరికీ తెలిసిందే. పలు తెలుగు పాత సినిమాల్లో కూడా వాటిని చూపించారు. నిజాం కాలం నుంచి ఇవి సిటీలో తిరుగుతూ ఉండగా.. కాలక్రమేణా కనుమరుగయ్యాయి. కాగా ఇటీవల ఓ నెటిజన్‌ ఆ బస్సులను గుర్తు చేస్తూ మంత్రి కేటీఆర్‌కి ట్వీట్ చేశారు. 7Z అనే నంబర్ కలిగిన ఈ డబుల్ డెక్కర్ బస్సు అప్పుడు జూ పార్క్ నుంచి సికింద్రాబాద్‌కి వెళ్లేది. ఈ సర్వీసులను పర్యాటకుల కోసం లేదా పబ్లిక్ కోసం మళ్లీ ప్రారంభిస్తారా..? అని ట్వీట్‌లో పేర్కొన్నారు. ( ఫ్రాన్స్‌లో సెకండ్ వేవ్‌.. ఒక్క రోజే రికార్డు కేసులు నమోదు)
దానికి స్పందించిన కేటీఆర్.. డబుల్ డెక్కర్ బస్సుతో నాకు ఎన్నో ఙ్ఞాపకాలు ఉన్నాయి. వాటిలో నేను అబిడ్స్‌లోని సెయింట్ జార్జ్‌ గ్రామర్ స్కూల్‌కి వెళ్లేవాణ్ణి. వాటిని రోడ్లపై నుంచి ఎందుకు తీసేశారో పెద్దగా తెలీదు. రవాణా శాఖ మంత్రి పువ్వాడ అజయ్ గారు మళ్లీ డబుల్ డెక్కర్ బస్సులను వెనక్కి తీసుకొచ్చే అవకాశం ఉందా అని ప్రశ్నించారు. కాగా ఈ ట్వీట్‌కి స్పందిస్తోన్న నెటిజన్లు.. సర్ త్వరగా తీసుకురండి సర్ అని కామెంట్లు పెడుతున్నారు. ( భాషా భాయ్‌ని ఏపీకి తరలించిన తమిళనాడు పోలీసులు)
I have many fond memories of riding the double decker bus on my way to St. George’s Grammar School at Abids ?
Not sure why they were taken off the roads. Any chance we can bring them back Transport Minister @puvvada_ajay Garu? https://t.co/ceEGclQLFz
— KTR (@KTRTRS) November 7, 2020
