మేలో రాష్ట్రానికి కేంద్ర మంత్రి గడ్కరీ! తెలంగాణలో పలు ప్రాజెక్ట్లకు శంకుస్థాపన
మే నెలలో కేంద్ర రోడ్డు రవాణా మంత్రి నితిన్ గడ్కరీ తెలంగాణలో పర్యటించి, రూ. 5413 కోట్ల విలువైన రోడ్డు ప్రాజెక్టులకు శంకుస్థాపన చేయనున్నారు. ఆదిలాబాద్ మరియు హైదరాబాద్లో ఈ ప్రాజెక్టులకు సంబంధించిన కార్యక్రమాలు జరుగనున్నాయి. 123 కి.మీ.ల రహదారిని ఆదిలాబాద్లో ప్రారంభించనుండగా, హైదరాబాద్లో 22.57 కి.మీ.ల రహదారి ప్రారంభించబడుతుంది.
Updated on: Apr 26, 2025 | 5:02 PM
వచ్చే నెల మేలో కేంద్ర రోడ్డు రవాణా, రహదారుల మంత్రి నితిన్ గడ్కరీ తెలంగాణలో పర్యటించనున్నారు. మే 5న కేంద్ర బొగ్గు గనుల మంత్రి జి.కిషన్ రెడ్డితో కలిసి రాష్ట్రంలో పలు బహుళ అభివృద్ధి ప్రాజెక్టలకు శంకుస్థాపన చేయనున్నారు. ఆదిలాబాద్, హైదరాబాద్లో ఆయన పర్యటించనున్నారు. ఈ పర్యటనలో భాగంగా రూ.5,413 కోట్ల విలువైన ప్రాజెక్టులకు శంకుస్థాపన చేయనున్నారు. ఆదిలాబాద్లో రూ.3,694 కోట్ల విలువైన 123 కి.మీ రహదారి ప్రారంభించనున్నారు. అలాగే రూ.168.47 కోట్ల విలువైన 8.1 కి.మీ. రోడ్డుకు శంకుస్థాపన చేయనున్నారు. హైదరాబాద్లో రూ.895.64 కోట్ల విలువైన 22.57 కి.మీ రహదారి ప్రారంభించనున్నారు. రూ.657.27 కోట్ల విలువైన 20.87 కి.మీ రహదారికి శంకుస్థాపన చేయనున్నారు.
రోడ్డు రవాణా, రహదారుల మంత్రిత్వ శాఖ సూత్రప్రాయంగా హైదరాబాద్ ప్రాంతీయ రింగ్ రోడ్డు (దక్షిణ భాగం)ను జాతీయ రహదారిగా ప్రకటించడానికి అంగీకరించింది. రాష్ట్ర ప్రభుత్వం 50 శాతం భూమిని కలిగి ఉంటుంది. సముపార్జన ఖర్చు, నిర్మాణ వ్యయం దాదాపు రూ.13,000 కోట్లుగా అంచనా వేశారు. భూసేకరణ ఖర్చులో 50 శాతం దాదాపు రూ.2,230 కోట్లుగా అంచనా వేశారు. కిషన్ రెడ్డి ఈ ప్రాజెక్టుకు ముందస్తు ప్రభుత్వ ప్రైవేట్ భాగస్వామ్య అంచనా కమిటీ (పిపిపిఎసి), క్యాబినెట్ ఆమోదం “హైదరాబాద్ ఉత్తర వైపున ఉన్న గ్రీన్ఫీల్డ్ ప్రాంతీయ ఎక్స్ప్రెస్ హైవే (HRRR-NP)” కోసం ఆర్థిక త్రైపాక్షిక ఒప్పందంపై సంతకం చేయాలని అభ్యర్థించారు. 50 శాతం LA ఖర్చుతో సహా ప్రాజెక్ట్ మొత్తం నిర్మాణ వ్యయం దాదాపు రూ.18,772 కోట్లు అంచనా వేశారు. అదనంగా, ఐకానిక్ కేబుల్ బ్రిడ్జితో సహా రూ.4,891 కోట్ల విలువైన రాబోయే హైవే ప్రాజెక్టులను రవాణా, రహదారుల మంత్రిత్వ శాఖ ఆమోదించింది.
మరిన్ని తెలంగాణ వార్తల కోసం ఇక్కడ క్లిక్ చేయండి
