KTR: బ్యాగులు సర్దుకుని వచ్చేయండి బ్రో.. అన్ని సౌకర్యాలు కల్పిస్తాం.. స్టార్టప్‌ ఫౌండర్‌కు కేటీఆర్ ఆఫర్..

బెంగళూరులో మౌలిక సదుపాయాలు లేవని ఓ స్టార్టప్ కంపెనీ వ్యవస్థాపకుడు చేసిన ట్వీట్‌కు ఇటీవల ఐటీ శాఖ మంత్రి కేటీఆర్(KTR) స్పందించారు. “మీ బ్యాగ్‌లను ప్యాక్ చేసి హైదరాబాద్‌కు వచ్చేయండి” అని ఆఫర్ చేశారు. డిజిటల్ బుక్ కీపింగ్ స్టార్టప్ అయిన ఖాతాబుక్(Khatabook) వ్యవస్థాపకుడు, చీఫ్ ఎగ్జిక్యూటివ్ ఆఫీసర్ రవీష్ నరేష్(ravishnaresh) మార్చి 30న ఓ ట్వీట్ చేశారు. “బెంగళూరులోని హెచ్‌ఎస్‌ఆర్ లేఅవుట్, కోరమంగళ (ఇండియాస్ సిలికాన్ వ్యాలీ)లో స్టార్టప్‌లు బిలియన్ల డాలర్లు చెల్లిస్తున్నాయి. కానీ అక్కడు రోడ్లు అధ్వాన్నంగా ఉన్నాయి. ప్రతిరోజూ విద్యుత్ కోతలు విధిస్తున్నారని” ట్వీట్‌ చేశాడు. “నాణ్యమైన నీటి సరఫరా, ఉపయోగించలేని ఫుట్ పాత్‌లు” ఉన్నాయన్నారు.

“భారతదేశంలోని సిలికాన్ వ్యాలీ కంటే ఇప్పుడు చాలా గ్రామీణ ప్రాంతాలు మెరుగైన ప్రాథమిక మౌలిక సదుపాయాలను కలిగి ఉన్నాయని. పీక్ ట్రాఫిక్‌లో సమీపంలోని విమానాశ్రయం మూడు గంటల సమయం పడుతుందని మరో స్టార్టప్ వ్యవస్థాపకుడు, సేతు APIకి చెందిన నిఖిల్ కుమార్ తన అభిప్రాయాలను తెలిపారు. “నేను ప్రమాణం చేస్తున్నా. బెంగళూరు ఎంత గందరగోళంగా మారింది. దయచేసి గమనించండి సార్ — మీరు దీన్ని సరిదిద్దకపోతే, సామూహిక వలస వెళ్తారు! ” అని కర్ణాటక ముఖ్యమంత్రి బసవరాజ్ బొమ్మైని ట్యాగ్ చేస్తూ ట్వీట్ చేశారు.

ఈ ట్వీట్‌కు కేటీఆర్ స్పందిస్తూ “మీ బ్యాగులు సర్దుకుని హైదరాబాద్ వచ్చేయండి.. మేం ఇక్కడ మంచి మౌలిక సదుపాయాలు, మంచి సోషల్ ఇన్‌ఫ్రాస్ట్రక్చర్ ఏర్పాటు చేస్తాం. మా విమానాశ్రయం అత్యుత్తమైంది. త్వరగా నగరానికి రావడం, వెళ్లడం చాలా సులువు. మరీ ముఖ్యంగా మా ప్రభుత్వ దృష్టి 3 i మంత్రపై ఉంది” అని కేటీఆర్ ట్వీట్‌ చేశారు.

Pack your bags & move to Hyderabad! We have better physical infrastructure & equally good social infrastructure. Our airport is 1 of the best & getting in & out of city is a breeze

More importantly our Govt’s focus is on 3 i Mantra; innovation, infrastructure & inclusive growth https://t.co/RPVALrl0QB

— KTR (@KTRTRS) March 31, 2022

Read Also.. Etela Rajender: వరి వేయొద్దనడం ఎంత వరకు కరెక్టో చెప్పాలి.. సీఎం కేసీఆర్‌కు ఈటెల రాజేందర్ సూటి ప్రశ్నలు..