Hyderabad Metro: ఆ రోజుల్లో రూ. 59లతో డే అంతా ప్రయాణించండి.. హైదరాబాద్ మెట్రో బంపర్ బొనాంజా ఆఫర్..

Hyderabad Metro Train

హైదరాబాద్, సెప్టెంబర్ 23:  మెట్రో ప్రయాణికులకు గుడ్‌ న్యూస్.. హైదరాబాద్ మెట్రో రైల్ తన ప్రయాణీకులకు ‘సూపర్ సేవర్ – 59 ఆఫర్’ (SSO-59 ఆఫర్)ని తిరిగి ప్రారంభించింది. తమ ప్రయాణికులకు మరిన్ని మెరుగైన సేవలను అందించేందుకు శుక్రవారం ప్రకటించింది. సెప్టెంబర్ 23 నుండి హైదరాబాద్ మెట్రో రైలు ప్రయాణికులందరూ లిస్టెడ్ సూపర్ సేవర్ సెలవుల్లో రూ. 99కి బదులుగా కేవలం రూ. 59తో అపరిమితంగా ప్రయాణించవచ్చని తెలిపింది..

ప్రయాణీకులు తాము గతంలో కొనుగోలు చేసిన మెట్రో హాలిడే కార్డ్‌ని ఉపయోగించవచ్చు.. లేదా రూ. 100కి కొత్తదాన్ని కొనుగోలు చేయవచ్చు. ఈ అద్భుతమైన ఆఫర్‌ను పొందేందుకు జాబితా చేయబడిన సూపర్ సేవర్ హాలిడేస్‌లో మెట్రో స్టేషన్‌లోని టికెట్ కౌంటర్ నుంచి కేవలం రూ. 59తో రీఛార్జ్ చేసుకోవచ్చు. ఈ ఆఫర్ మార్చి 31, 2024 వరకు జాబితా చేయబడిన అన్ని సూపర్ సేవర్ సెలవులకు చెల్లుబాటు అవుతుంది. ఇక్కడ క్లిక్ చేయండి లేదా మీ సమీపంలోని మెట్రో స్టేషన్‌ని సందర్శించండి.

నగరం మొత్తం చుట్టేయాలని అనుకునేవారికోసం..

ఈ ఆఫర్ కస్టమర్లకు ఎలా ప్రయోజనం చేకూరుస్తుందనే దాని గురించి హెచ్‌ఎంఆర్ఎల్ మేనేజింగ్ డైరెక్టర్ ఎన్‌వీఎస్‌ఎస్ రెడ్డి మాట్లాడుతూ.. “మెట్రో రైల్ పని చేయడానికి లేదా నగరాన్ని చుట్టేయడానికి విశ్వసనీయమైన, సరసమైన వినూత్న పరిష్కారాలను అందించడం ద్వారా కస్టమర్ అంచనాలను అధిగమించడానికి కృషి చేస్తుంది. ఈ ఆఫర్ మెట్రో రైల్‌ను ప్రాధాన్య రవాణా మార్గంగా ఎంచుకున్నందుకు ప్రశంసలను చూపే మార్గంగా చెప్పవచు.

పండుగ సమయంలో ప్రయాణించడానికి..

హైదరాబాద్ మెట్రో రైల్ గతంలో ఉగాది సీజన్‌లో ఇదే ఆఫర్‌ను ప్రకటించింది. పండుగ సమయంలో ప్రయాణించడానికి ప్రజలు, ముఖ్యంగా విద్యార్థులు, యువతను మెట్రోను ఉపయోగించుకునేలా ప్రోత్సహించడానికి ఈ ఆఫర్ ఉద్దేశించబడింది. సూపర్ సేవర్ మెట్రో హాలిడే కార్డ్ ఏప్రిల్ 2 (ఉగాది) నుండి 57 మెట్రో స్టేషన్‌లు, మూడు కారిడార్‌లలో సంవత్సరంలో వర్తించే 100 సెలవు దినాలలో అపరిమిత మెట్రో ప్రయాణాన్ని అందించింది.

వీకెండ్‌లో కూడా ఈ ఆఫర్..

సూపర్ సేవర్ మెట్రో హాలిడే కార్డ్ ఏదైనా మెట్రో రైల్ కౌంటర్లలో రూ. 59 రీప్-అప్‌తో ఒక కార్డ్‌కు ఒకసారి రూ. 50 చెల్లించడం ద్వారా అందుబాటులో ఉంటుంది. ఈ సంవత్సరం ప్రారంభంలో సుదీర్ఘ స్వాతంత్ర్య దినోత్సవ వారాంతంలో.. అంటే శనివారం, ఆదివారం కూడా ఆఫర్ అందించబడింది. ఈ రోజుల్లో కూడా ఈ ఆఫర్ వినియోగించుకోవచ్చు. దీనిని ‘ది సూపర్ సేవర్ ఫ్రీడమ్ ఆఫర్ (SSF ఆఫర్)’ అని పిలుస్తారు. దీని ద్వారా ప్రయాణికులు తమ సూపర్ సేవర్ మెట్రో హాలిడే కార్డ్‌ను కేవలం రూ. 59తో రీఛార్జ్ చేయడం ద్వారా ఆగస్టు 12, 13, 15 తేదీల్లో అపరిమిత మెట్రో రైడ్‌లను ఆస్వాదించవచ్చు. మరిన్ని పూర్తి వివరాలను హైదరాబాద్ మోట్రో అధికారిక వెబ్‌సైట్‌లో చూడవచ్చు.

మరిన్ని తెలంగాణ వార్తల కోసం ఇక్కడ క్లిక్ చేయండి..