Fire Accident: గజ్వేల్‌లో భారీ అగ్ని ప్రమాదం.. ఎగసిపడుతున్న అగ్నికీలలు.. రూ. 50 కోట్లకు పైగా ఆస్తి నష్టం..

Fire Accident: సిద్దిపేట జిల్లా గజ్వెల్‌లో భారీ అగ్ని ప్రమాదం జరిగింది. ట్రాన్స్‌ఫార్మర్‌ మరమ్మతు కేంద్రంలో ఆదివారం రాత్రి భారీ అగ్నిప్రమాదం జరిగింది. దీంతో కేంద్రంలో ఒక్కసారిగా..

Updated on: Sep 19, 2021 | 10:53 PM

Fire Accident: సిద్దిపేట జిల్లా గజ్వేల్‌లో భారీ అగ్ని ప్రమాదం జరిగింది. ట్రాన్స్‌ఫార్మర్‌ మరమ్మతు కేంద్రంలో ఆదివారం రాత్రి భారీ అగ్నిప్రమాదం జరిగింది. దీంతో కేంద్రంలో ఒక్కసారిగా మంటలు భారీగా ఎగిసిపడుతున్నాయి. వెంటనే సమాచారం అందుకున్న అగ్నిమాపక సిబ్బంది సంఘటన స్థలానికి చేరుకొని మంటలను అదుపులోకి తీసుకొచ్చేందుకు శ్రమిస్తున్నారు. ప్రమాదంలో భారీగా ఆస్తినష్టం జరిగిందని అధికారులు అంచనా వేస్తున్నారు.

ఈ అగ్ని ప్రమాదంలో సుమారు రూ. 50 కోట్ల వరకు ఆస్తి నష్టం వాటిల్లినట్లు అంచనా వేస్తున్నారు. ప్రమాదానికి గల కారణాలు ఇంకా తెలియరాలేదు. ఘటనకు సంబంధించి పూర్తి వివరాలు తెలియాల్సి ఉంది. షార్ట్‌ సర్క్యూట్‌ కారణంగా అగ్ని ప్రమాదం జరిగినట్లు అధికారులు ప్రాథమిక అంచనాకు వచ్చారు.