నాలుగోరోజు ‘నానబియ్యం బతుకమ్మ’.. వాయనం అదే!

తెలంగాణ పూల పండుగ బతుకమ్మ.. తెలంగాణ ప్రజల బతుకు పండుగ ‘బతుకమ్మ’. పూల రూపంలో దేవతలను ఆరాధించే గొప్ప సంప్రదాయం మనది. తెలంగాణ సంస్కృతీ సంప్రదాయాలకు జీవన విధానానికి ‘బతుకమ్మ’ ప్రతీకగా నిలుస్తుందీ పండుగ. 9 రోజుల పాటు తెలంగాణలోని ప్రతీ వీధిలో ఎక్కడ చూసినా సందడే కనిపిస్తూ ఉంటుంది. మొదటిరోజు ఎంగిలిపూల బతుకమ్మతో ప్రారంభమయ్యే సంబురాలు 9వ రోజున సద్దుల బతుకమ్మతో ముగుస్తాయి.

ఈ ఏడాది సెప్టెంబరు 28న బతుకమ్మ పండుగ మొదలైంది. ఇప్పటికే మూడురోజుల పండుగలైన ఎంగిలిపువ్వు బతుకమ్మ, అటుకల బతుకమ్మ, ముద్దపప్పు బతుకమ్మ వేడుకలు ముగిశాయి. ఇక బతుకమ్మ పండుగలో నాలుగోరోజైన ‘నానబియ్యం బతుకమ్మ’గా బతుకమ్మను కొలుస్తారు. ఈ రోజు తంగేడు, గునుగు పూలతో నాలుగంతరాలు బతుకమ్మను పేర్చి శిఖరంపై గౌరమ్మను పెడతారు. నానబియ్యాన్ని ఫలహారంగా పెడతారు. వాయనంగా నానబోసిన బియ్యాన్ని బెల్లంతో కానీ చెక్కరతో కానీ కలిపి ముద్దలు చేసి పెడతారు.