నిజామాబాద్‌లో.. భలే ‘ప్రేమ జంట దొంగలు’: ఖంగుతిన్న పోలీసులు

నిజమాబాద్‌లో భలే దొంగలు సినిమాను తలపించేలా చోరీ జరిగింది. ఓ ఇంట్లో బంగారంతో పాటు కారును కూడా ఎత్తుకెళ్లారు. ఓ ప్రేమ జంట ఈ చోరికి పాల్పడినట్ల పోలీసులు సీసీ టీవీ ఆధారంగా గుర్తించారు. చోరీ అనంతరం ఇద్దరూ కారులో హైదరాబాద్‌ వైపు వెళ్లినట్లు గుర్తించారు. న్యాలకల్ రోడ్డు సమీపంలో ఈ చోరీ జరిగింది.

ఇంటి యజమాని ఫిర్యాదు మేరకు కేసు నమోదు చేసుకున్న పోలీసులు.. సీసీటీవీ ఫుటేజ్ చూసి ఒక్కసారిగా ఖంగుతిన్నారు. ఓ ప్రేమ జంట కారులో లగేజ్ పెడుతున్నట్లు దృశ్యాలు సీసీటీవీలో రికార్డు అయ్యాయి. ఈ ప్రేమ జంటే చోరీ చేసినట్లు.. పోలీసులు అనుమానం వ్యక్తం చేస్తున్నారు. అయితే.. ప్రేమలో పడ్డాక డబ్బుల కోసం ఇలా జంటగా దొంగతనాలు చేస్తున్నారా..? లేక పారిపోయే సందర్భంలో అవసరాల కోసం దొంగతనం చేశారా..? అనే కోణంలో పోలీసులు దర్యాప్తు చేస్తున్నారు.