తెలంగాణ హోం క్వారంటైన్ న్యూ గైడ్‌లైన్స్‌.. ఇంట్లో ఇలా ఉండాలి..

తెలంగాణ సర్కార్ తాజాగా హోం క్వారంటైన్ గైడ్‌లైన్స్‌ని విడుదల చేసింది. ప్రస్తుతం కరోనా కేసులు పెరుగుతున్న నేపథ్యంలో.. హోం క్వారంటైన్‌లో ఉండే వారికి పలు సూచనలు చేసింది ప్రభుత్వం. హోం క్వారంటైన్లో ఉన్న వాళ్లు, ఇల్లంతా తిరుగుతూ తమ కుటుంబ సభ్యులకూ వైరస్ అంటిస్తారు. ఈ నేపథ్యంలో క్వారంటైన్‌లో ఉన్నవాళ్లు తీసుకోవాల్సిన జాగ్రత్తలపై తెలంగాణ వైద్యారోగ్య శాఖ కొన్ని కొత్త గైడ్‌లైన్స్ విడుదల చేసింది.

హోం క్వారంటైన్‌లో ఎలా ఉండాలి..?

1. ఇతర దేశాల నుంచి, ప్రాంతాల నుంచి వచ్చిన వారు పాజిటివ్ పేషంట్లతో కాంటాక్ట్ అయిన వాళ్లు హోం క్వారంటైన్‌లో ఉండాలి. వారికి లక్షణాలు ఉన్నా లేకున్నా 14 రోజులు ఇంట్లోనే ఉండాలి 2. గాలి, వెలుతురు వచ్చేలా వీరు సపరేట్‌గా ఒక గదిలో ఉండాలి. అలాగే ప్రత్యేకంగా బాత్రూమ్ కేటాయించాలి 3. క్వారంటైన్‌లో ఉంటున్న వ్యక్తి ఇంట్లో చిన్నారులు, 55 ఏళ్లు పైబడిన వృద్ధులు, గర్భిణీలు ఉండకూడదు 4. క్వారంటైన్ వ్యక్తి వాడిన బెడ్‌షీట్స్, టవల్స్ డెటాల్ వేసి నానబెట్టాలి 5. వీరికి సేవలందించడానికి ముందు.. ఆ తర్వాత 40 నుంచి 60 సెకన్ల పాటు చేతులను కడుక్కోవాలి 6. క్వారంటైన్‌లో ఉన్న వ్యక్తి ఎప్పటికప్పుడు తనని తాను గమనించుకుంటూ ఉండాలి 7. జ్వరంతో పాటు పల్స్ రేట్ చెక్ చేసుకోవాలి. వ్యాధి లక్షణాలు కనిపిస్తే.. రాష్ట్ర ప్రభుత్వానికి తెలియజేయాలి 8. క్వారంటైన్‌లో ఉన్న వ్యక్తి వాడే వస్తువులను ఇతరులు తాకకూడదు 9. క్వారంటైన్‌ వ్యక్తి ఖచ్చితంగా మాస్క్ ధరించాలి. అలాగే ప్రతీ 6 నుంచి 8 గంటలకు ఒకసారి మాస్క్ మార్చాలి 10. వాడిన మాస్క్‌లు, ఇతర పారవేసే వస్తువులు కాల్చివేయాలి. లేదా గోలితో పాతిపెట్టాలి.