Virat Kohli: తొలి గేమ్‌లో రికార్డుల తాట తీసిన ఛేజింగ్ మాస్టర్.. ఐపీఎల్ హిస్టరీలోనే తొలి ప్లేయర్‌గా రికార్డ్

ఇండియన్ ప్రీమియర్ లీగ్‌లో కోల్‌కతా నైట్ రైడర్స్ (KKR)పై రాయల్ ఛాలెంజర్స్ బెంగళూరు (RCB) కెప్టెన్ విరాట్ కోహ్లీ 1000 పరుగులు పూర్తి చేశాడు. ఐపీఎల్‌లో ఒక జట్టుపై అత్యధిక పరుగులు చేసిన జాబితాలో డేవిడ్ వార్నర్ అగ్రస్థానంలో ఉన్నాడు. పంజాబ్ కింగ్స్‌పై 26 ఇన్నింగ్స్‌లలో 1134 పరుగులు చేశాడు. ఐపీఎల్‌లో కేకేఆర్‌పై వార్నర్, రోహిత్ శర్మ మాత్రమే ఎక్కువ పరుగులు చేశారు.

Virat Kohli2

Venkata Chari |

Updated on: Mar 22, 2025 | 11:26 PM

Virat Kohli: ఇండియన్ ప్రీమియర్ లీగ్‌లో కోల్‌కతా నైట్ రైడర్స్ (KKR)పై రాయల్ ఛాలెంజర్స్ బెంగళూరు (RCB) కెప్టెన్ విరాట్ కోహ్లీ 1000 పరుగులు పూర్తి చేశాడు. శనివారం ఈడెన్ గార్డెన్స్‌లో జరిగిన 2025 సీజన్ ప్రారంభ మ్యాచ్‌లో కోహ్లీ ఈ ఘనత సాధించాడు. ఇది కోల్‌కతాపై భారత బ్యాట్స్‌మన్‌ కోహ్లీకి 33వ ఇన్నింగ్స్ కావడం గమనార్హం.

ఐపీఎల్‌లో కోహ్లీ 1000 లేదా అంతకంటే ఎక్కువ పరుగులు చేసిన నాల్గవ జట్టు నైట్ రైడర్స్. చెన్నై సూపర్ కింగ్స్, పంజాబ్ కింగ్స్, ఢిల్లీ క్యాపిటల్స్ జట్లపై 1000 పరుగులు పూర్తి చేసిన ఐపీఎల్ హిస్టరీలోనే తొలి ప్లేయర్‌గా నిలిచాడు.

ఐపీఎల్‌లో ఒక జట్టుపై అత్యధిక పరుగులు చేసిన జాబితాలో డేవిడ్ వార్నర్ అగ్రస్థానంలో ఉన్నాడు. పంజాబ్ కింగ్స్‌పై 26 ఇన్నింగ్స్‌లలో 1134 పరుగులు చేశాడు. ఐపీఎల్‌లో కేకేఆర్‌పై వార్నర్, రోహిత్ శర్మ మాత్రమే ఎక్కువ పరుగులు చేశారు.

ఇవి కూడా చదవండి

ఐపీఎల్‌లో ఒక జట్టుపై అత్యధిక పరుగులు..

1. డేవిడ్ వార్నర్ – 1134 vs పంజాబ్ కింగ్స్

2. శిఖర్ ధావన్ – 1105 vs చెన్నై సూపర్ కింగ్స్

3. డేవిడ్ వార్నర్ – 1093 vs కోల్‌కతా నైట్ రైడర్స్

4. విరాట్ కోహ్లీ – 1081 vs ఢిల్లీ క్యాపిటల్స్

5. రోహిత్ శర్మ – 1070 vs కోల్‌కతా నైట్ రైడర్స్

6. విరాట్ కోహ్లీ – 1067 vs చెన్నై సూపర్ కింగ్స్

7. రోహిత్ శర్మ – ఢిల్లీ క్యాపిటల్స్ పై 1034

8. విరాట్ కోహ్లీ – 1030 vs పంజాబ్ కింగ్స్

9. విరాట్ కోహ్లీ – 1021 vs కోల్‌కతా నైట్ రైడర్స్

ఇండియన్ ప్రీమియర్ లీగ్ (ఐపీఎల్)లో విజయవంతమైన ఛేజింగ్‌లో అత్యధిక పరుగులు చేసిన ఆటగాళ్ల జాబితాలో విరాట్ కోహ్లీ శిఖర్ ధావన్‌ను అధిగమించి అగ్రస్థానాన్ని కైవసం చేసుకున్నాడు.