వేసవి స్పెషల్.. శక్తిని పెంచే సీజనల్ ఫుడ్స్..! ఇవి తప్పకుండా తినండి..!
వేసవి కాలంలో ఎక్కువగా ఎండలో తిరిగే వారికి నీరసంగా అనిపించడం, శరీరం డీహైడ్రేట్ అవడం సహజం. ఈ సమస్యలను అధిగమించాలంటే శరీరానికి తక్షణ శక్తిని అందించే ప్రత్యేకమైన ఆహారాలను తీసుకోవడం మంచిది. డైటీషియన్లు వేసవిలో తినదగ్గ కొన్ని ముఖ్యమైన సూపర్ ఫుడ్స్‌ను సూచిస్తున్నారు. ఇవి శరీరానికి అవసరమైన పోషకాలను అందించి శక్తివంతంగా ఉంచేందుకు సహాయపడుతాయి.
వేసవిలో గ్రీన్ టీ తాగడం శరీరానికి ఎంతో మేలు చేస్తుంది. ఇందులో ఉండే యాంటీ ఆక్సిడెంట్లు శరీరానికి తక్షణ శక్తిని అందించడంతో పాటు, అలసటను తగ్గిస్తాయి. నాడీ వ్యవస్థ పనితీరును మెరుగుపరిచే గుణాలు కూడా ఇందులో ఉన్నాయి. అంతేకాకుండా ఇది జ్ఞాపకశక్తిని పెంచడంలో కూడా సహాయపడుతుంది.
1 / 6
ఓట్స్‌లో అధికంగా ఫైబర్ ఆరోగ్యకరమైన కార్బోహైడ్రేట్లు ఉంటాయి. ఇది జీర్ణక్రియను మెరుగుపరిచి శరీరానికి శక్తినిచ్చే ప్రక్రియను పెంచుతుంది. వేసవిలో తరచూ అలసటగా అనిపించేవారు రోజువారీ ఆహారంలో ఓట్స్‌ను చేర్చుకోవడం వల్ల ఆరోగ్యంగా ఉండవచ్చు.
2 / 6
చిన్న ముక్క డార్క్ చాక్లెట్ తినడం వల్ల శరీరంలో రక్తప్రసరణ మెరుగుపడుతుంది. ఇది యాంటీ ఆక్సిడెంట్లను అందించి శక్తి స్థాయిని పెంచుతుంది. అంతేకాకుండా దీని వినియోగం మానసిక ఒత్తిడిని తగ్గించేందుకు సహాయపడుతుంది. శరీరానికి తక్షణ శక్తిని అందించేందుకు ఇది ఒక ఉత్తమమైన ఎంపిక.
3 / 6
చియా సీడ్స్ ఆరోగ్యానికి చాలా ప్రయోజనాలను కలిగిస్తాయి. వీటిని రాత్రంతా నీటిలో నానబెట్టి తింటే శరీరానికి కావాల్సిన ఒమేగా-3 ఫ్యాటీ ఆసిడ్స్ అందుతాయి. ఇవి శక్తిని పెంచడంతో పాటు శరీరానికి తక్షణ శక్తిని అందించేందుకు ఉపయోగపడతాయి. వేసవిలో నీరసంగా ఫీలవుతున్నప్పుడు చియా సీడ్స్ తీసుకోవడం ఎంతో మేలుగా ఉంటుంది.
4 / 6
అరటి పండు పోషకాలు ఎక్కువగా కలిగి ఉండే పండ్లలో ఒకటి. ఇందులో అధికంగా పొటాషియం, కార్బోహైడ్రేట్లు ఉండటంతో శరీరానికి తక్షణ శక్తిని అందిస్తుంది. ఇది జీర్ణ వ్యవస్థను బలపరిచే గుణాలు కూడా కలిగి ఉంది. ప్రీ-వర్కవుట్ ఆహారంగా కూడా ఇది ఉత్తమ ఎంపికగా చెప్పుకోవచ్చు.
5 / 6
పాలకూరలో ఐరన్ శాతం ఎక్కువగా ఉంటుంది. ఇది హేమోగ్లోబిన్ స్థాయిని పెంచడంలో సహాయపడుతుంది. శరీరానికి అవసరమైన ఆక్సిజన్ సరఫరా బాగా జరిగేలా చేస్తుంది. తక్కువ ఐరన్ స్థాయిలు కలిగిన వారిలో అలసట, శక్తి హీనత ఉండే అవకాశం ఎక్కువగా ఉంటుంది. అందుకే రోజువారీ ఆహారంలో పాలకూరను చేర్చుకోవడం ఆరోగ్యానికి మంచిది.
