త్వరలో షావోమీ ప్యాడ్ 9 లాంచ్ : 3C సర్టిఫికేషన్‌లో లీకైన సరికొత్త టాబ్లెట్ విశేషాలు ఇవే

పాత మోడల్‌తో పోలిస్తే మరింత శక్తివంతమైన ఫీచర్లు, పెద్ద బ్యాటరీ సామర్థ్యంతో ఈ కొత్త ప్యాడ్ రూపుదిద్దుకుంటోంది. 45W ఫాస్ట్ ఛార్జింగ్ సపోర్ట్ మరియు శక్తివంతమైన స్నాప్‌డ్రాగన్ ప్రాసెసర్‌తో ఇది రానుంది. ఈ ఏడాది చివర్లో లాంచ్ కానున్న ఈ హై-ఎండ్ ట్యాబ్లెట్ గురించిన పూర్తి వివరాలను తెలుసుకుందాం!

3C సర్టిఫికేషన్‌లో లీకైన వివరాలు

చైనాలోని 3C సర్టిఫికేషన్ సైట్‌లో ‘M656BA’ అనే మోడల్ నెంబర్‌తో ఒక సరికొత్త షావోమీ టాబ్లెట్ నమోదైంది. ప్రముఖ టిప్‌స్టర్ డిజిటల్ చాట్ స్టేషన్ సమాచారం ప్రకారం, ఇది రాబోయే ‘Xiaomi Pad 9’ మోడలే అని స్పష్టమవుతోంది. ఈ సర్టిఫికేషన్ ద్వారా ఈ కొత్త ట్యాబ్లెట్ 45W వైర్డ్ ఫాస్ట్ ఛార్జింగ్ సపోర్ట్‌తో రానున్నట్లు అధికారికంగా వెల్లడైంది. కంపెనీ త్వరలోనే దీనికి సంబంధించిన మరిన్ని వివరాలను ప్రకటించే అవకాశం ఉంది.

పవర్‌ఫుల్ ఫర్ఫార్మెన్స్

గతంలో వచ్చిన షావోమీ ప్యాడ్ 8 మోడల్‌లో 9,200mAh బ్యాటరీని అందించగా, ఈ కొత్త ప్యాడ్ 9లో దానికంటే మెరుగైన, పెద్దదైన 9,720mAh బ్యాటరీని అమర్చనున్నట్లు తెలుస్తోంది. దీనివల్ల వినియోగదారులు సింగిల్ ఛార్జ్‌తో ఎక్కువ సమయం పాటు నాన్‌స్టాప్ ఎంటర్‌టైన్‌మెంట్‌ను ఆస్వాదించవచ్చు. అలాగే ఇది అత్యాధునిక స్నాప్‌డ్రాగన్ 8 సిరీస్ ప్రాసెసర్‌తో పనిచేయనుండటం వల్ల గేమింగ్, మల్టీటాస్కింగ్ అత్యంత సులువుగా మారనుంది.

ఎప్పుడు విడుదల కానుంది?

ఈ ఏడాది చివర్లో రాబోయే కొత్త ‘Xiaomi 18’ సిరీస్ స్మార్ట్‌ఫోన్లతో పాటు ఈ Xiaomi Pad 9 కూడా చైనా మార్కెట్లో విడుదలయ్యే అవకాశం ఉందని టెక్ నిపుణులు అంచనా వేస్తున్నారు. అంతేకాకుండా, ఈ సిరీస్‌లో మరింత మెరుగైన పనితీరు అందించేలా ‘Xiaomi Pad 9 Pro’ వెర్షన్‌ను కూడా కంపెనీ తీసుకువచ్చే ఛాన్స్ ఉంది. గతంలో వచ్చిన ప్యాడ్ 8 అద్భుతమైన ఫీచర్లతో రూ. 33,999 ప్రారంభ ధరతో విడుదలై మంచి ఆదరణ పొందింది. ఇప్పుడు రాబోతున్న ప్యాడ్ 9 దానికంటే మెరుగైన అనుభవాన్ని అందించడం ఖాయం.

టాబ్లెట్ ప్రియులు ఎంతో ఆసక్తిగా ఎదురుచూస్తున్న షావోమీ ప్యాడ్ 9 త్వరలోనే మార్కెట్లోకి అడుగుపెట్టనుంది. మెరుగైన బ్యాటరీ లైఫ్, ఫాస్ట్ ఛార్జింగ్, పవర్‌ఫుల్ ఫెర్ఫార్మెన్స్ కోరుకునే వారికి ఇది ఒక పర్ఫెక్ట్ ఎంపిక కానుంది. త్వరలోనే దీని అధికారిక విడుదల తేదీ, ధర వివరాలు వెల్లడి కానున్నాయి